მთავარი მთავარი იოკოძუნა ჰაკუჰომ ტოკიოს ტურნირი მოიგო – ტოჩინოშინმა 1/4 ფინალს უწია

იოკოძუნა ჰაკუჰომ ტოკიოს ტურნირი მოიგო – ტოჩინოშინმა 1/4 ფინალს უწია

ავტორი კახა მიხანაშვილი
35 ნახვა

სუმოს სამშობლო იაპონიის დედაქალაქ ტოკიოში ერთდღიანი ტურნირი გაიმართა.

რიკიშები ერთმანეთს ოლიმპიური სისტემით შეერკინენ.

ქართველმა მებრძოლმა ტოჩინოშინმა 1/4 ფინალამდე მიაღწია.
ლევან გორგაძემ 1/16 ფინალში ოკინოუმი იორიკირით დაამარცხა. 1/8 ფინალში კი შოჰოზანს ცურიდაშის ილეთით მოუგო.
1/4 ფინალურ დაპირისპირებაში ქართველმა რიკიშიმ მომავალ ფინალისტ ჰოკუტოფუჯისთან იორიკირით წააგო.

ტურნირის ჩემპიონი კი იოკოძუნა ჰაკუჰო გახდა.
ყველა დროის საუკეთესო სუმიტორმა საჩემპიონო გზიდან მიოგირიუ, მეისეი, მიტაკეუმი და რიუდენი ჩამოიტოვა.
ფინალში “თეთრმა ფენიქსმა” ჰოკუტოფუჯი დოჰიოდან იორიკირით გაიყვანა და ჩემპიონის ტიტულიც დაისაკუთრა.

აღსანიშნავია, რომ ტოკიოს ტურნირზე ტრავმის გამო მონაწილეობა იოკოძუნა კაკურიუმ და ოძეკი ტაკაკეიშომ ვერ მიიღეს.

წყარო: სუმო ქომაგები (Dimitri Silakadze)

0 კომენტარი
0

მსგავსი პუბლიკაციები

დატოვეთ კომენტარი