მთავარი მთავარი მსოფლიოს თასზე საფრანგეთის ნაკრებმა აშშ ბოლო 14 წუთში გატეხა

მსოფლიოს თასზე საფრანგეთის ნაკრებმა აშშ ბოლო 14 წუთში გატეხა

ავტორი კახა მიხანაშვილი
19 ნახვა

იაპონიაში მიმდინარე რაგბის მსოფლიოს თასზე C ჯგუფში მე-2 ტურის შეხვედრა გაიმართა.

საფრანგეთის ნაკრებმა აშშ-ს გუნდს დამაჯერებლად 33-9 სძლია.

ფრანგებმა მნიშვნელოვან უპირატესობას ბოლო 20 წუთში მიაღწიეს და ბონუს-ქულის მოპოვებით აქტივში 5 ქულა ჩაიწერეს.

საფრანგეთის ნაკრებმა პირველი ლელო მატჩის დასაწყისში დადო.
მე-5 წუთზე იოან ჰუგემ იხეირა. გარდასახვა ზუსტად “მამლების” მგეზავმა ტომას რამოსმა დაარტყა 7-0.

მე-18 წუთზე ამერიკელმა ეიჯი მაკგინტიმ სხვაობა შეამცირა. იანკთა მგეზავმა ჯარიმა გაიტანა 7-3.

23-ე წუთზე ევროპელებმა მეორე ლელო დადეს. თავი ალივერეტი რაკამ გამოიჩინა. ტომას რამოსმა გარდასახვისას მიზანს ვერ უწია 12-3.

30-ე წუთზე აშშ-ს ნაკრებმა ჯარიმის დარტყმის უფლებს მოიპოვა.
ეიჯი მაკგინტიმ თავის შანსი გამოიყენა 12-6.

ტაიმი საფრანგეთმა 6-ქულიანი სხვაობით 12-6 მოიგო.

64-ე წუთზე ამერიკელებმა სხვაობა მინიმუმამდე დაიყვანეს.
ეიჯი მაკგინტიმ ჯარიმიდან ბურთი ხელებს შორის ზუსტად გააძვრინა 12-9.

ფრანგები გონს ამის შემდეგ მოეგნენ და დარჩენილ დროში 3 ლელოს დადება მოახერხეს.

66-ე წუთზე ბურთი მეტოქის ჩათვლოს მოედანში გაელ ფისკომ შეიტანა. გარდასახვა კამილ ლოპესმა გამოიყენა 19-9.

ბონუს-ქულის მომტანი ლელო 69-ე წუთზე ბაპტისტე სერინიმ გაიტანა. გარდასახვისას კამილ ლოპესი ისევ ზუსტი იყო 26-9.

78-ე წუთზე ჯეფერსონ პოირომ აშშ-ს ნაკრები ამ მატჩში ბოლოჯერ დაამწუხრა. კამილ ლოპესს არც ამ გარდასახვისას ბურთის მიზანში ჩასმა გასჭირვებია.

საბოლოოდ, საფრანგეთმა 33-9 მოიგეს და 5 ქულა მიითვალეს. აშშ კი უქულოდ ჯგუფში ბოლო ადგილზე იმყოფება.

1. ინგლისი 2 2 0 0 80:10 10
2. საფრანგეთი 2 2 0 0 56-30 9
3. არგენტინა 2 1 0 1 49-35 6
4. ტონგა 2 0 0 2 15-63 0
5. აშშ 2 0 0 2 16-78 0

0 კომენტარი
0

მსგავსი პუბლიკაციები

დატოვეთ კომენტარი