მთავარი მთავარი მსოფლიოს თასზე რუსეთი ირლანდიასთან განადგურდა

მსოფლიოს თასზე რუსეთი ირლანდიასთან განადგურდა

ავტორი კახა მიხანაშვილი
133 ნახვა

იაპონიის ქალაქმა კობემ რაგბის მსოფლიოს თასზე მორიგ შეხვედრას უმასპინძლა.

A ჯგუფის მატჩში ირლანდიის ნაკრები რუსეთს დაუპირისპირდა.

ირლანდიელებმა რა თქმა უნდა მეტოქეს აჯობეს და გამარჯვებაც მოიპოვეს. თუმცა ამ მატჩში მათ გულშემატკივარს მეტის მოლოდინი ჰქონდა.

“სამყურები” მსოფლიოს თასის წინ გაცემულ ავანსებს ვერ ამართლებენ და იაპონიასთან წაგების შემდეგ თამაშის ხარისხი ვერც ამჯერად გამოასწორეს.
ერთი ეგაა იაპონიასთან შედარებით რუსეთი უსუსტესი გუნდია და ირლანდიამ მეტოქეს 35:0 სძლია.

ირლანდიელებმა ანგარიში პირველივე წუთზე გახსნეს. ლელო რობ ქერნიმ დადო. გარდასახვა ზუსტად ჯონათან სექსტონმა შეასრულა 7-0.

მე-12 წუთზე პეტერ ო’მაჰონიმ რუსი “დათვები” მეორედ დაალელოვა. გარდასახვისას ჯონათან სექსტონმა იყოჩაღა და ანგარიში 14-0 გახადა.

ამის შემდეგ ირლანდიელებმა რამდენჯერმე მძლავრად შეუტიეს, თუმცა ისინი დამაგვირგვინებელ ფაზაში სცოდავდნენ.

34-ე წუთზე რუსების ჩათვლის მოედანში ბურთი რის რუდოკმა დაამიწა. გარდასახვა სექსტონმა ამჯერადაც გაიტანა.

ტაიმი ირლანდიამ 21-0 მოიგო.

მეორე ნახევარში “სამყურებმა” კიდევ ორი ლელო გაიტანეს.

61-ე წუთზე ანდრეუ კონვეიმ ბონუს-ქულის მომტანი ლელო დადო.
მატჩის მიწურულს კი გარი რინგროუსმა “დათვების” წვალებას წერტილი დაუსვა.
ორი გარდასახვა ზუსტად სათადარიგო მგეზავმა ჯეკ ქართიმ გამოიყენა.

საბოლოოდ, ირლანდიამ რუსეთს 35-0 მოუგო და 11 ქულით ჯგუფის ლიდერი გახდა.

1. ირლანდია 3 2 0 1 74-22 11
2. იაპონია 2 2 0 0 49-22 9
3. შოტლანდია 2 1 0 1 37-27 5
4. სამოა 2 1 0 1 34:63 5
5. რუსეთი 2 0 0 2 19:99 0

0 კომენტარი
0

მსგავსი პუბლიკაციები

დატოვეთ კომენტარი