მთავარი მთავარი ნაომი ოსაკა ჩინეთის ღია პირველობის ჩემპიონია

ნაომი ოსაკა ჩინეთის ღია პირველობის ჩემპიონია

ავტორი კახა მიხანაშვილი
13 ნახვა

ჩინეთის დედაქალაქ პეკინში საჩოგბურთო ტურნირი  იაპონელი ნაომი ოსაკას ტრიუმფალური გამარჯვებით  დასრულდა.

გადამწყვეტ ბრძოლაში ამომავალის მზის ქვეყნის შვილმა მსოფლიოს პირველი ჩოგანი ავსტრალიელი ეშლი ბარტი დაამარცხა.

ფინალურმა დაპირისპირებამ 1 საათი და 51 წუთი გასტანა.    აზიელმა ჩოგბურთელმა 3-სეტიან ორთაბრძოლაში ბარტის 3-6, 6-3, 6-2 მოუგო.

ნაომი ოსაკამ ტურნირზე საჩემპიონო გამარჯვებამდე ამერიკელ ჩოგბურთელებს  ჯესიკა პეგულას და ალისონ რაისკის,  ასევე გერმანელ ანდრეა პეტკოვიჩს,  კანადელ ბიანკა ვანესა ანდრეესკუს და დანიელ ლამაზმან კაროლინ ვოზნიაცკის სძლია.

იაპონელმა ჩოგბურთელმა ჩინეთის ღია პირველობაზე ჩემპიონის ტიტულის მოპოვებით 610 სარეიტინგო ქულა გამოიმუშავა და მე-4 საფეხურიდან მე-3 ადგილამდე აღზევდა.

0 კომენტარი
0

მსგავსი პუბლიკაციები

დატოვეთ კომენტარი