მთავარი მსოფლიოესპანეთი “ბარსელონამ” “სევილია” გაანადგურა და ლა ლიგაში მე-2 ადგილზე გადავიდა

“ბარსელონამ” “სევილია” გაანადგურა და ლა ლიგაში მე-2 ადგილზე გადავიდა

ავტორი კახა მიხანაშვილი
20 ნახვა

ესპანეთის პრიმერა დივიზიონის მე-8 ტურის დასკვნით შეხვედრაში “ბარსელონამ” “სევილიას” დიდი ანგარიშით 4-0 სძლია.

“ნოუ კამპზე” გამართულ მატჩში კატალონიელებს ანსალუსიელებმა წინააღმდეგობა მხოლოდ პირველი 27 წუთი გაუწიეს.

სწორედ, 27-ე წუთზე გაიტანა”ბარსელონამ” პირველი გოლი.
მასპინძლები პორტუგალიელ ნელსონ სემედოს პასით ურუგვაელმა ფორვარდმა ლუის სუარესმა დააწინაურა.

32-ე წუთზე ჩილელმა ფეხბურთელმა არტურო ვიდალიმ არტურის პასით იხეირა და ანგარიში 2-0 გახადა.

35-ე წუთზე არტურმა კიდევ ერთი საგოლე პასი მიითვალა. ამჯერად მისი გადაცემა ფრანგმა ოსმან დემბელემ შეირგო.

ტაიმი კატალონიელებმა 3-0 მოიგეს.

მეორე ნახევარში თავისი გოლი ლიონელ მესიმაც გაიტანა.
არგენტინელმა სუპერვარსკვლავმა მეტოქის კარი 78-ე წუთზე აიღო.

მატჩის ბოლოს “ბარსელონა” მოედანზე 9 ფეხბურთელით დარჩა.

შეხვედრის არბიტრმა მასპინძლებს 87-ე წუთზე ურუგვაელი როლანდ არაუხო გაუძევა.
88-ე წუთზე კი მის გზას ფრანგი ოსმან დემბელეც გაუყენა.

“ბარსელონამ” ამ გამარჯვებით 16 ქულა დააგროვა და ლა ლიგის სატურნირო ცხრილში მე-2 საფეხურზე იმყოფება.
პირველ ადგილოსან მადრიდის “რეალს” 18 ქულა გააჩნია.

“ბარსელონა” 4:0 “სევილია”
27′ სუარესი (1-0), 32′ ვიდალი (2-0), 35′ დემბელე (3-0), 78′ მესი (4-0)

0 კომენტარი
0

მსგავსი პუბლიკაციები

დატოვეთ კომენტარი