მთავარი მთავარი თბილისის “დინამო” ჩემპიონთა ლიგაზე იასპარეზებს

თბილისის “დინამო” ჩემპიონთა ლიგაზე იასპარეზებს

ავტორი კახა მიხანაშვილი
23 ნახვა

წყალბურთის გუნდი თბილისის „დინამო“ ჩემპიონთა ლიგის ჯგუფურ ეტაპზე იასპარეზებს.

“დინამო” პრესტიჟულ ევროპულ საკლუბო ტუნირზე სადებიუტო მატჩს 9 ოქტომბერს ესპანური „ტერასას“ წინააღმდეგ სტუმრად ჩაატარებს.

ქართული გუნდი B ჯგუფში მოხვდა, იქ სადაც „ტერასას“ გარდა ჩემპიონთა ლიგის მთავარი ფავორიტი, ტურნირის 8-გზის ჩემპიონი იტალიური გუნდი „პრო რეკო“,
უნგრული გუნდები  „ტელეკომ ბუდაპეშტი“ და  „ფერენცვაროში“, ასევე  ფრანგული „მარსელი“, ზაგრების „მლადოსტი“ და გერმანული „ჰანოვერი“ არიან.

თბილისის „დინამო“ ჯგუფურ ეტაპზე 14 შეხვედრას გამართავს.

აქედან 7 მატჩის ჩატარება შინ, სპორტკომპლექს „ოლიმპიკში“ მოუწევს.

ჩემპიონთა ლიგაზე ორი ჯგუფია. თითოეულ ჯგუფში 8-8 გუნდია გადანაწილებული.

ფინალურ ეტაპზე საუკეთესოს ტიტულისთვის ბრძოლას ჯგუფიდან გასული 4 გუნდი გააგრძელებს.

“დინამოს” სამწვრთნელო შტაბმა ჩემპიონთა ლიგის განაცხადი წარმოგვიდგინა.

ქართული გუნდი პრესტიჟულ ტურნირზე ასეთი შემადგენლობით გამოვა:

სანდრო ადეიშვილი, ბესარიონ ახვლედიანი, მიხეილ ბაღათურია, ფაბიო ბარალდი, ანდრია ბითაძე, ვალიკო დადვანი, გიორგი ერისთავი, გიორგი გვეტაძე, რევაზ იმნაიშვილი, ხვიჩა ჯახაია, მარკო ელაჩა, ბექა ქავთარაძე, გურამ ხუციშვილი, გიორგი მაგრაქველიძე, გიორგი მესხი, ირაკლი რაზმაძე, ზურაბ რურუა, თედო შავშიშვილი, ნიკოლოზ შუბლაძე, ნიკა შუშიაშვილი, დაჩი თევდორაშვილი, დამირ ცრეპულია, ბორის ლაპენსკი

“ტერასასა: და თბილისის “დინამოს” მატჩი თბილისის დროით 22:30 საათზე დაიწყება.
შეხვედრის პირდაპირ ტრანსლაციას საზოგადოებრივი მაუწყებლის ,,პირველი არხი” შემოგვთავაზებს.

ამავე არხის მეშვეობით ჩემპიონთა ლიგაზე ” დინამოს” ყველა  შეხვედრის ხილვაა შესაძლებელი.

 

0 კომენტარი
0

მსგავსი პუბლიკაციები

დატოვეთ კომენტარი