მთავარი მთავარი მერაბ შარიქაძე: ,,ავსტრალიის ნაკრებს შევაკვდებით, ახლა დასაკარგი აღარაფერი გვაქვს”

მერაბ შარიქაძე: ,,ავსტრალიის ნაკრებს შევაკვდებით, ახლა დასაკარგი აღარაფერი გვაქვს”

ავტორი კახა მიხანაშვილი
77 ნახვა

2019 წლის მსოფლიო თასზე ,,ბორჯღალოსნები” დასკვნით შეხვედრას 11 ოქტომბერს, საქართველოს დროით 14:15 საათზე ავსტრალიის წინააღმდეგ გამართავენ.

გუნდი უკვე იაპონიის ქალაქ შიზუოკაშია და მომავალი მატჩისთვის ემზადება.

მანამდე „მსოფლიო რაგბი“ ,,ბორჯღალოსნების” კაპიტან მერაბ შარიქაძეს განვლილი და მომავალი თამაშების შესახებ ესაუბრა.

საქართველოს ნაკრების კაპიტანი მერაბ შარიქაძე ფიჯისთან მარცხით გულდაწყვეტილია, თუმცა გუნდს გადაწყვეტილი აქვს, რომ მსოფლიო თასი თავაწეული დატოვოს.

შარიქაძის თქმით, ფიჯისთან მტკივნეული მარცხის შემდეგ, გუნდი მზადაა „მოკვდეს“ ავსტრალიასთან მატჩში.

იაპონიაში მიმდინარე მსოფლიო თასზე, მან პირველად ითამაშა სასტარტო XV-ში და ამბობს, რომ ეს თამაში მისი ყველაზე დიდი იმედგაცრუება იყო:

მერაბ შარიქაძე: „ყველა მოთამაშეს და განსაკუთრებით მე, გვრცხვენია ჩვენი გულშემატკივრის და ოჯახების, რადგან ისინი სულ სხვა რამეს ელოდნენ. მაგრამ საბოლოო ანგარიში მხოლოდ დასკვნითი 20 წუთის თამაშს ასახავს და არა სრულის. იყო მომენტები, რომელთაც შეეძლოთ ყველაფერი შეეცვალათ. ვისაც რაგბი ესმის, ისინი მიხვდებიან რას ვგულისხმობ. მაგრამ ვერავის დავადანაშაულებთ, ეს ყველა ჩვენთაგანის ბრალია.”

ტურნირზე საქართველოს ნაკრების მიზანი იყო, რომ იაპონიაში ორი შეხვედრის მოგებით, საფრანგეთის მსოფლიო თასზე თამაშიდ უფლება  ავტომატურად  მოეპოვებინა. მას კიდევ დარჩა ერთი შეხვედრა, 11 ოქტომბერს ავსტრალიასთან:

მერაბ შარიქაძე: „ჩვენი რეპუტაცია ძლიერ დაზარალდა და ამის გამოსწორების ერთადერთი საშუალება არსებობს – კარგად ვითამაშოთ ავსტრალიასთან.  ჩვენ მეტოქეს შევაკვდებით. ახლა დასაკარგი აღარაფერი გვაქვს, კუთხეში ვართ მიმწყვდეული და მხოლოდ წინსვლა შეგვიძლია. ‘ -აცხადებს საქართველოდ ნაკრების კაპიტანი მერაბ შარიქაძე.

წყარო: საქართველოდ რაგბის კავშირი
ფოტო: თამუნა ყულუმბეგაშვილი

0 კომენტარი
0

მსგავსი პუბლიკაციები

დატოვეთ კომენტარი