მთავარი მთავარი სამხრეთ აფრიკამ კანადა 59-ქულიანი სხვაობით გაანადგურა

სამხრეთ აფრიკამ კანადა 59-ქულიანი სხვაობით გაანადგურა

ავტორი კახა მიხანაშვილი
21 ნახვა

იაპონიაში მიმდინარე რაგბის მსოფლიოს თასზე სამხრეთ აფრიკის ნაკრებმა კანადელები არ დაინდო და 59-ქულიანი სხვაობით 66-7 გაანადგურა.

“ქურციკებმა” მეტოქის განადგურება მატჩის სტარტზევე დაიწყეს და ჯამში “ნეკერჩხლის ფოთლებს” 10 ლელო დაუდეს.

აფრიკელებმა ანგარიში მე-2 წუთზე გახსნეს. გუნდი დამიენ დე ალენდემ დააწინაურა. გარდასახვა ზუსტად მგეზავმა ელტონ იანტიესმა დაარტყა 7-0.

მე-5 წუთზე და მე-9 წუთებზე სამხრეთ აფრიკის ნაკრებმა მიჯრით ორი ლელო დადო.
ჯერ ს’ბუსისო ნკოსიმ იხეირა, შემდეგ კი კობუს რეინაჩიც გამოირჩა.
იანტიესმა ორიდან ერთი გარდასახვა გაიტანა 19-0.

მე-17 წუთზე კობუს რეინაჩმა დუბლი შეასრულა და აფრიკელებს ბონუს-ქულა მოუტანა. გარდასახვისას ელტონ იანტიესი ზუსტი იყო 26-0.

მე-20 კობუს რეინაჩმა ჰეთთრიკი გაიფორმა. იანტიესმა კი ბურთი ძელებს შორის გარდასახვისას ზუსტად გააძვრინა 33-0.

27-ე წუთზე უარიკ გელანტმა კანადელებს რიგით მე-6 ლელო დაუდო.
გარდასახვის გატანა იანტიესს, არც ამჯერად გასჭირვებია 40-0.

ტაიმის ბოლომდე “სკრინბოკმა” კიდევ ერთი გარდასახული ლელოს გატანა მოასწრო.
ლელო კანადელებს გასახდელში ფრენს სტეინმა გაატანა. ელტონ იანტიესის ზუსტი გარდასახვის შემდეგ პირველი ტაიმის საბოლოო ანგარიში 47-0 დაფიქსირდა.

მეორე ტაიმი კანადის ნაკრებმა კარგად დაიწყო და ე.წ. პრესტიჟის ლელო დადო. თავი მეტ ჰატონმა გამოიჩინა. გარდასახვა პეტერ ნელსონმა გამოიყენა 47-7.

54-ე წუთზე შალკ ბრიტსის ლელოსა და ელტონ იანტიესის ზუსტი გარდასახვის შემდეგ აფრიკამ 47-ქულიანი სტატუსკვო აღადგინა 54-7.

65-ე წუთზე კანადელთა ჩათვლის მოედანში ბურთი დამიან ვილემსემ დაამიწა. იანტიესს მიზანმა არც ამჯერად უმტყუნა 61-7.

72-წუთზე ლელოს გატანა ფრენს მელერბემაც მოახერხა.

საბოლოოდ, სამხრეთ აფრიკამ კანადას 66-7 სძლია და B ჯგუფს 15 ქულით სათავეში ჩაუდგა.

1. სამხ. აფრიკა 4 3 0 1 185-36 15
2. ახ. ზელანდია 3 3 0 0 157-22 14
3. იტალია 3 2 0 1 98-78 10
4. ნამიბია 3 0 0 3 37-175 0
5. კანადა 3 0 0 3 14-177 0

 

 

0 კომენტარი
0

მსგავსი პუბლიკაციები

დატოვეთ კომენტარი