მთავარი მთავარი მსოფლიოს თასზე აშშ-ს ნაკრები არგენტინასთან 30-ქულიანი სხვაობით  განადგურდა

მსოფლიოს თასზე აშშ-ს ნაკრები არგენტინასთან 30-ქულიანი სხვაობით  განადგურდა

ავტორი კახა მიხანაშვილი
11 ნახვა

იაპონიაში მიმდინარე რაგბის მსოფლიოს თასზე C ჯგუგის მე-3 ტურის შეხვედრა გაიმართა.

ქალაქ საიმატაში არგენტინისა და აშშ-ს ნაკრებების მატჩში სამხრეთ ამერიკელები მე-15 წუთზე დაწინაურდნენ. ლელო მგეზავმა ნოკოლას სანჩესმა დადო. მან გარდასახვაც ზუსტად შეასრულა 7-0.

“პუმებმა” მალევე მეორე ლელოს გატანაც მოახერხეს.
24-ე წუთზე ხუაკინ ტუკულეტმა იხეირა.
გარდასახვისას სანჩესის დარტყმამ მიზანს უწია 14-0.

34-ე წუთზე ხუაკინ ტუპულეტმა დუბლი შეასრულა. ნიკოლას სანჩესმა ამჯერად გარდასახვა ვერ გამოიყენა 19-0.

ტაიმის მიწურულს იანკებმა ერთი ლელო დადეს და ანგარიშის სხვაობა შეამცირეს. სამხრეთ ამერიკელთა ჩათვლის მოედანში ბურთი ბლეის სკალიმ დაამიწა.

ტაიმი არგენტინამ 29-5 მოიგო.

მეორე ტაიმი “პუმებმა” ბრწინვალედ დაიწყეს.

მეორე ნახევრიდან 16 წუთში არგენტინის ნაკრებმა 3 გარდასახული ლელო გაიტანა.
ხუან კრუზ მალიამ დუბლი შეასრულა.
ერთი ლელო კი ჯერონიმო დე ლა ფუენტემ დადო.
სამივე შემთხვევაში გარდასახვისას ბურთი ძელებს შორის ნიკოლას სანჩესმა ზუატად გააძვრინა 40-5.

აშშ-ს ნაკრება სიტუაციის შეცვლა სცადა და 59-ე წუთზე საცადელსაც მიაღწია.
ლელო პოლ ლასიკეს ანგარიშზეა, გარდასახვა კი ეიჯეი მაკგინტიმ გამოიყენა 40-12.

ამერიკელთა ლელოს შემდეგ მალევე არგენტინამ სტატუს-კვო აღადგინა და რიგით მე-7 ლელო გაიტანა.
70-ე წუთზე აშშ-ს ჩათვლის მოედანში ბურთიანად გონსალო ბერტრანუ შევიდა. გარდასახვა კი სათადარიგო მგეზავმა ბენჟამინ ურდაპილეტამ გამოიყენა 47-12.

ბოლოს ამერიკის ნაკრებმა ე.წ. პრესტიჟის ლელოს დადება მოახერხა.
დუბლი გუნდის კაპიტანმა ბლეის სკალიმ შეასრულა.

საბოლოოდ, არგენტინის ნაკრებმა 47-17 მოიგო. მიუხედავად იმისა, რომ სამხრეთ ამერიკელებმა ამ მატჩის შემდეგ აქტივში 5 ქულა ჩაიწერეს, ამ გუნდს ჯგუფიდან გასვლის შანსი უკვე დაკარგული აქვს, რადგანაც ორივე უშუალო კონკურენტთან საფრანგეთთან და ინგლისთან შეხვედრები წააგო.

არგენტინა 47-17 აშშ

1.ინგლისი 3 3 0 0 119-20 15
2. საფრანგეთი 3 3 0 0 78-51 14
3.არგენტინა 4 2 0 2 106-91 11
4. ტონგა 3 0 0 3 36-86 1
5. აშშ 3 0 0 3 33-125 0

 

0 კომენტარი
0

მსგავსი პუბლიკაციები

დატოვეთ კომენტარი