მთავარი მთავარი შოტლანდის ნაკრებმა მსოფლიოს თასზე “რუსი დათვები” მიწასთან გაასწორა

შოტლანდის ნაკრებმა მსოფლიოს თასზე “რუსი დათვები” მიწასთან გაასწორა

ავტორი კახა მიხანაშვილი
110 ნახვა

იაპონიაში მიმდინარე რაგბის მსოფლიოს თასზე A ჯგუფში ერთმანეთს შოტლანდია და რუსეთი დაუპირისპირდნენ.

ქალაქ შიძუოკაში გამართული მატჩში მოლოდინისამებრ, კლასით უფრო მაღლა მყოფმა შოტლანდიელებმა  მეტოქეს გადაუარეს . “სკოტებმა” მეტოქეს 9 ლელო დაუდეს და 61-ქულიანი სხვაობით გამარჯვება მოიპოვეს. თან ისე, რომ ბონუს-ქულა გამოიმუშავეს.

მატჩის დასაწყისში შოტლანდიის ნაკრების მგეზავის ადამ ჰასტინგსის ბენეფისი შედგა. მან პირველ 17 წუთში 14 ქულა დააგროვა.

ადამ ჰასტინგსმა პირველ ნახევარში დუბლი შეასრულა. მან ლელოები მე-13 და მე-17 წუთებზე გაიტანა. თან თავისივე დადებული ლელოები, თავად გარდასახა.

პირველ ტაიმში ერთადერთი ჰასტინგსს მხარი ქულების დაგროვებაში ჯორჯ ჰორნიმ აუბა. მან 21-ე წუთზე ბურთი მეტოქის ჩათვლის მოედანში დაამიწა. გარდასახვა ჰასტინგმა გაიტანა.

ტაიმი შოტლანდიამ 21:0 მოიგო.

მეორე ნახევარში “სკოტებმა” “რუს დათვებს” შავი დღე აყარეს  და კიდევ 6 ლელო დაუდეს.

მეორე 40 წუთში ჯორჯ ჰორნიმ 2 ლელო გაიტანა და ჰეთთრიკი გაიფორმა.

ადამ ჰასტინგსმა
პირველ ტაიმში გატანილ ორ ლელოს, მეორეში კიდევ ერთი მიუმატა და მანაც ჰეთთრიკი შეასრულა.

მათ გარდა მეორე ტაიმში ლელოს ავტორები ჯორჯ ტერნერი, ტომი სეიმური, ჯონ ბარკლი და სტუარდ მაკინალი გახდნენ.

ბოლო 6 გარდასახვიდან ამ მატჩის გმირმა ადამ ჰასტინგსმა ხუთი ზუსტად დაარტყა.
ჰასტინგსმა რუსეთის წინააღმდეგ მატჩში 31 ქულა მოიპოვა.

საბოლოოდ, შოტლანდიამ რუსეთი 61-0 გაანადგურა და მსოფლიოს ჩემპიონატის 1/4 ფინალში გასვლის შანსს ინარჩუნებს.
ჯგუფიდან ფლეი-ოფში გამსვლელი გუნდის ვინაობა იაპონიისა და შოტლანდიის მატჩში გაირკვევა.
ამავე ჯგუფის ბინადარი ირლანდია 1/4 ფინალის საგზურს სამოასთან გამარჯვებიდ შემთხვევაში მოიპოვებს.

შოტლანდია 61:0 რუსეთი

1. იაპონია 3 3 0 0 87-41 14
2. ირლანდია 3 2 0 1 74-22 11
3. შოტლანდია 3 2 0 1 98-27 10
4. სამოა 3 1 0 2 53-81 5
5. რუსეთი 4 0 0 4 19-160 0

0 კომენტარი
0

მსგავსი პუბლიკაციები

დატოვეთ კომენტარი