მთავარი მსოფლიოევროპის ჩემპიონატი წარმატებული სტარტი – საქართველოს 19-წლამდელთა ნაკრებმა უნგრეთი დაამარცხა

წარმატებული სტარტი – საქართველოს 19-წლამდელთა ნაკრებმა უნგრეთი დაამარცხა

ავტორი კახა მიხანაშვილი
70 ნახვა

ევროპის შესარჩევი ტურნირის სასტარტო მატჩში უნგრეთის ქალაქ გიორში საქართველოს 19-წლამდელთა ნაკრებმა ადგილობრივი თანატოლები 4:2 დაამარცხა.

ქართველებმა სწრაფი გოლის გატანა მოახერხეს. მატჩის მე-13 წუთზე საქართველოს ნაკრები ხვიჩა კვარაცხელიამ დააწინაურა.

უნგრელებმა ანგარიში პირველ ტაიმში გაათანაბრეს. 27-ე წუთზე ანდრას ჰიჟტიმ იხეირა.

ტაიმის მიწურულს მასპინძლები კაცნაკლულნი დარჩნენ. მსაჯმა მადიარებს მოედნიდან ოლივერ კალმარი გაუძევა.

49-ე წუთზე ქართველების კარის მიმართულებით პენალტი დაინიშნა.  “პუშკაშის აკადემიის”  ფეხბურთელმა ალენ შკრიბეკმა 11-მეტრიანი გამოიყენა და უნგრეთი დააწინაურა.

62-ე წუთზე ქართველმა ჭაბუკებმა წონასწორობა აღადგინეს.  ანზორმექვაბიშვილის პასით გოლი გიორგი გულიაშვილმა გაიტანა.

65-ე წუთზე საქართველო წინ გავიდა.  ქართველები თბილისის “დინამოს” ფეხბურთელმა გიორგი მოისწრაფიშვილმა დააწინაურა. მან გიორგი გულიაშვილის პასი შეირგო.

82-ე წუთზე მატჩის საბოლოო ანგარიში ანზორ მექვაბიშვილმა დააფიქსირა.  მან საგლე გადაცემა ზურიკო დავითაშვილისგან მიიღო.

საბოლოოდ, საქართველოს 19-წლამდელთა ნაკრებმა ევროპის შესარჩევი ტურნირი კარგად დაიწყო და აქტივში პირველი 3 ქულა ჩაიწერა.

ჩვენი ბიჭები მორიგ შეხვედრას 12 ოქტომბერს, ყაზახეთის წინააღმდეგ გამართავენ.   ჯგუფის საუკეთესო ორი ნაკრები ასპარეზობას ელიტ-ლიგაში გააგრძელებს.

უნგრეთი U19  2:4 საქართველო  U19
13′ კვარაცხელია (0-1), 27′ ჰიჟტი (1-1), 49′ შკრიბეკი (2-1), 62′ გულიაშვილი (2-2), 65′ მოისწრაფიშვილი (2-3), 82′ მექვაბიშვილი (2-4)

საქართველო: კუტალაძე, კაპანაძე (86′ ჭავჭანიძე), გელაშვილი, ჯანგიძე, კალანდაძე, დავითაშვილი (86′ ნონიკაშვილი), მექვაბიშვილი, მასიაჩენკო (60′ იაკობიძე), აზაროვი, გულიაშვილი, კვარაცხელია (32′ მოისწრაფიშვილი)

0 კომენტარი
0

მსგავსი პუბლიკაციები

დატოვეთ კომენტარი