მთავარი მსოფლიოინგლისი მსოფლიოს თასზე ახალი ზელანდია – იტალიისა და საფრანგეთი -ინგლისის მატჩები აღარ ჩატარდება

მსოფლიოს თასზე ახალი ზელანდია – იტალიისა და საფრანგეთი -ინგლისის მატჩები აღარ ჩატარდება

ავტორი კახა მიხანაშვილი
87 ნახვა

იაპონიაში მიმდინარე რაგბის მსოფლიოს თასზე შაბათს გასამართი სამი მატჩიდან ორი მათგანი აღარ ჩატარდება. ამის შესახებ ინფორმაციას მსოფლიოს ჩემპიონატის ოფიციალური ვებგვერდი ავრცელებს.

ახალი ზელანდიისა და იტალიის, ასევე ინგლისი საფრანგეთის მატჩები მოსალოდნელი ძლიერი ტაიფუნის გამო აღარ შედგება.

გავრცელებული ინფორმაციის თანახმად ტაიფუნი
ჰაგიბისი 2019 წლის ყველაზე ძლიერი ტაიფუნია და დიდი ალბათობით, ტოკიოში, იოკოჰამაში და ტოიოტაში გასამართ მატჩებს საფრთხეს შეუქმნის.

„მსოფლიო რაგბიმ“ და იაპონია 2019-ის საორგანიზაციო კომიტეტმა გაუქმებული შეხვედრების მონაწილეებს აღნიშნული სიტუაცია აუხსნეს და მათივე უსაფრთხოების გამო შეთანხმება შედგა.

იმ თამაშების მონაწილე გუნდები, რომლის თამაშებიც აღარ შედგება, 2-2 ქულას მიიღებენ.
შეხვედრების შედეგი კი 0-0 დაფიქსირდება.

,,მსოფლიოს რაგბის” განცხადებით 11 ოქტომბერს, გასამართ საქართველო – ავსტრალიის მატჩის გამართვას საფრთხე არ ემუქრება.
ტურნირის ორგანიზატორები ყველაფერს აკეთებენ იმისთვის, კვირას დაგეგმილი ყველა შეხვედრა უსაფრთხოდ ჩატარდეს.

ეს ისტორიაში პირველი შემთხვევაა, როდესაც მსოფლიოს თასზე შეხვედრა არ გაიმართება.

გაუქმებული მატჩების გათვალისწინებით B და D ჯგუფში ასეთ სიტუაციას მივიღებთ:

B ჯგუფი
1. ახ. ზელანდია 4 3 0 0 157-22 18
2. სამხ. აფრიკა 4 3 0 1 185-36 15
3. იტალია 4 2 0 1 98-78 14
4. ნამიბია 3 0 0 3 34-175 0
5. კანადა 3 0 0 3 14-177 0

C ჯგუფი
1. ინგლისი 4 3 0 0 119-20 19
2. საფრანგეთი 4 3 0 0 79-51 17
3. არგენტინა 4 2 0 2 101-91 11
4. ტონგა 3 0 0 3 36-86 0
5. აშშ 3 0 0 3 33-125 0

 

 

0 კომენტარი
0

მსგავსი პუბლიკაციები

დატოვეთ კომენტარი