მთავარი მსოფლიოინგლისი ლონდონის “ჩელსი” “მანჩესტერ იუნაიტედთან” წაგებას მსაჯის მიერ კომპენსირებულ დროში გადაურჩა

ლონდონის “ჩელსი” “მანჩესტერ იუნაიტედთან” წაგებას მსაჯის მიერ კომპენსირებულ დროში გადაურჩა

ავტორი კახა მიხანაშვილი
389 ნახვა

ინგლისის პრემიერლიგის მე-9 ტურის სასატარტო მატჩი ლონდონში “სტამფორდ ბრიჯის” სტადიონზე გაიმართა.

“ჩელსისა”  და  “მანჩესტერ იუნაიტედის” დაპირისპირება დრამატული და საინტერესო აღმოჩნდა.

“არისტოკრატები” წაგებას მსაჯის მიერ კომპენსირებულ მე-6 წუთზე გადაურჩნენ.

მატჩის პირველ ტაიმში ერთადერთი გოლი გავიდა.  21-ე წუთზე ლონდონელები დაწინაურდნენ.  ბრაზილიელი ვილიანის კუთხურიდან ჩაწოდებული ბურთი მანჩესტერელთა კარში გერმანელმა  მცველმა ანტონიო რუდიგერმა გადაგზავნა.

მეორე ნახევარში “წითელი ეშმაკების”  ფრანგი თავდამხმელის ენტონი მარსიალის ბენეფისი შედგა.   მან ჯერ 55-ე წუთზე ანგარიში გაათანაბრა.  75-ე წუთზე კი მანჩესტერელები წინ გაიიყვანა.

ბოლოს კი მოვლენები დრამატულად განვითარდა. მსაჯმა შეხვედრას 9 წუთი დაუმატა.  კონპესირებული დროის მე-6 წუთზე კი “ჩელსიმ” წონასწორობის აღდგენა მოახერხა.

“არისტოკრატები” წაგებისგან როს ბარკლიმ გადაარჩინა.

ინგლისის პრემიერლიგა

მე-9 ტური

ლონდონი, “სტამფორდ ბრიჯი”

მაყურებელი:  40 721

“ჩელსი” 2:2 “მანჩესტერ იუნაიტედი”

გოლები: 21′ რუდიგერი (1-0), 55′ 75′ მარსიალი (1-1, 1-2), 90+5′ ბარკლი (2-2)

“ჩელსი”: არისაბალაგა, მ. ალონსო, ლუისი, რუდიგერი, აპლიკუეტა,  კოვაჩიჩი (69′ ბარკლი), ჯორჯინიო, კანტე,  აზარი, ვილიანი (73′ პედრო), მორატა (79′ ჟირუ)
მთავარი მწვრთნელი: მაურისიო სარი

“მანჩესტერ იუნაიტედი”:  დე ხეა, იონგი, სმოლინგი, ლინდეროფი,  შოუ, მატიჩი, პოგბა,  მატა (75′ ერერა),  მარსიალი (84′ პერეირა),  რაშფორდი (85′ ა. სანჩესი)
მთავარი მწვრთნელი: ჟოზე მაურინიო

ამ შედეგის გათვალისწინებით “ჩელსი” პრემიერლიგის სატურნირო ცხრილში 21 ქულით მე-2 ადგილზე იმყოფება.

“მანჩესტერ იუნაიტედს” კი 14 ქულა გააჩნია და მე-9 პოზიციას იკავებს.

0 კომენტარი
0

მსგავსი პუბლიკაციები

დატოვეთ კომენტარი