მთავარი მსოფლიოესპანეთი სენსაცია პრიმერა დივიზიონში – მადრიდის “რეალმა” მორიგი მატჩი წააგო

სენსაცია პრიმერა დივიზიონში – მადრიდის “რეალმა” მორიგი მატჩი წააგო

ავტორი კახა მიხანაშვილი
430 ნახვა

ესპანეთის პრიმერა დივიზიონის მე-9 ტურის მატჩში სენსაცია დაფიქსირდა.

მადრიდში “სანტიეგო ბერნაბეუს” სტადიონზე “რეალმა” “ლევანტესთან” 1:2 წააგო.

“სამეფო კლუბმა” ზედიზედ მე-3 შეხვედრა დათმო.  სულ კი დედაქალაქელთა  მოუგებელმა სერიამ 5-ს მიაღწია.

ბოლოს “რეალმა” თითქმის 1 თვის წინ მოიგო.

რაც შეეხება უშუალოდ “ლევანტესთან” მატჩს აქ “რეალმა” 2 გოლი  საწყის 13 წუთში გაუშვა.

“ლევანტეს” ფეხბურთელებმა ანგარიში მე-6 წუთზე გახსნეს.  სერხიო პოსტიგოს პასით მეკარესთან ერთიერთზე დარჩენილმა ხოსე მორალესმა მადრიდელთა კარის დარაჯი ტიბო კურტუაც ჩამოიცილა და ბურთი ცარიელ კარში შეაგდო.

მე-13 წუთზე “რეალის” კარის მიმართულებით საეჭვო პენალტი დაინიშნა. მსაჯმა წესების დარღვევაში რაფაელ ვარანი დაადანაშაულა.

“ლევანტეს” ფორვარდმა მარტი როჯერმა 11-მეტრიანი ზუსტად შეასრულა 0-2.

მთელი პირველი ტაიმის და მეორე ნახევრის უმეტეს დროში მადრიდელებმა მეტოქეს ვერაფერი დაუპირისპირეს და გოლის გატანა ვერ მოახერხეს.

სხვაობის შემცირება “რეალმა”  მხოლოდ 72-ე წუთზე შეძლო.  ფრანგი ფორვარდის ქარიმ ბენზემას პასით გოლი ახლადგამოჯამრთელებულმა ბრაზილიელმა მარსელომ შეაგდო.

დარჩენილ დროში დედაქალაქელები მატჩში გარდატეხის შეტანას შეეცადნენ, თუმცა ამაოდ.

ასეა თუ ისე “სამეფო კლუბმა”  პრიმერა დივიზიონში მორიგი მატჩი წააგო და სატურნირო ცხრილში მათთვის უჩვეულოდ ძალიან დაბლა, კერძოდ  მე-5 ადგილზე იმყოფება.

“ლევანტემ” კი ამ გამარჯვების შემდეგ თავი 13 ქულას მოუყარა და მე-7 ადგილზე აღზევდა.

ლა ლიგა

მე-9 ტური

მადრიდი, “სანტიეგო ბერნაბეუ”

მაყურებელი:  63 423

“რეალი” 1:2 “ლევანტე”
6′ მორალესი (0-1), 13′ როჯერი პენ. (0-2), 72′ მარსელო (1-2)

“რეალი”: კურტუა,  მარსელო, სერხიო რამოსი, ვარანი, ოდრისოლა (46′ ბეილი),  კაზემირო, მოდრიჩი, ასენსიო (60′ სებალიოსი), ისკო (60′ ბენზემა), მარიანო, ლუკავ ვასკესი
მთავარი მწვრთნელი: ხულენ ლოპეტეგი

“ლევანტე”: ოიერი, კაბაკო ალმადა, პოსტიგო (75′ ჩემა), რობერი, იასონი, როჩინა (67′ დუკორე), ბარდჰი, კამპანა, ტონო, მორალესი, როჯერი (79′ ბოატენგი)
მთავარი მწვრთნელი: პაკო ლოპესი

პრიმერა დივიზიონში ამ დროისთვის სხვა თამაშები ასე დასრულდა:

“სელტა” 0:1 “ალავესი”
58′ პინა

“ვალენსია” 1:1 “ლეგანესი”
63′ გუმბაუ პენ. (0-1), 85′ გაია (1-1)

ამ წუთებში “ვილიარეალისა” და მადრიდის “ატლეტიკოს” მატჩი მიმდინარეობს.
“ბარსელონა”- “სევილიას” ტურის ცენტრალური შეხვედრა 22:45 საათზე დაიწყება.

0 კომენტარი
0

მსგავსი პუბლიკაციები

დატოვეთ კომენტარი