მთავარი მსოფლიოევროპის ჩემპიონატი საქართველოს ქალ მოჭადრაკეთა ნაკრებმა უკრაინა დაამარცხა და ბოლო ტურის წინ ევროიპის ჩემპიონობის შანსს ინარჩუნებს

საქართველოს ქალ მოჭადრაკეთა ნაკრებმა უკრაინა დაამარცხა და ბოლო ტურის წინ ევროიპის ჩემპიონობის შანსს ინარჩუნებს

ავტორი კახა მიხანაშვილი
45 ნახვა

საქართველოს ქალაქ ბათუმში მიმდინარე ჭადრაკის ევროპის გუნდურ ჩემპიონატზე საქართველოს პირველმა ნაკრებმა უკრაინის გუნდს სძლია და ერთი ტურით ადრე კონტინენტის ჩემპიონობის შანსს ინარჩუნებს.

ქართველებმა სლავი მოჭადრაკეები 3:1 დაამარცხეს.

ნანა ძაგნიძემ ანა უშენინას სძლია.  მერი არაბიძემ ნატალია ბუკსას მოუგო.   პარტიები ყაიმით ლელა ჯავახიშვილმა და სალომე მელიამ დაასრულეს.

საქართველოს პირველ ნაკრებს 13 ქულა აქვს და ლიდერ რუსეთის გუნდს 1 ქულით ჩამორჩება.  ქართველები აზერბაიჯანელებს 1 ქულით უსწრებენ.

საქართველოს პირველი ნაკრები ბოლო ტურში საქართველოს მე-2 ნაკრებს შეხვდება.  რუსეთის ნაკრების მეტოქე თურქეთი იქნება.  აზერბაიჯანს კი უმძიმესი ბრძოლა სომხეთის გუნდთან ელის.

საქართველოს მე-2 ნაკრებმა იტალიას 3:1 მოუგო და მე-6 ადგილზე დამკვიდრდა.

გამარჯვებები ნინო ბაციაშვილმა და სოფიკო ხუხაშვილმა მოიპოვეს.  ბაციაშვილმა მარინა ბრუნელოს მოუგო.  ხუხაშვილმა კი ოლგა ზიმინას სძლია.

სოფიო გვეტაძე და მირანდა მიქაძე მეტოქეებთან ყაიმზე შეთანხმდნენ.

გამარჯვება იზეიმა საქართველოს მე-3 ნაკრებმაც.   მათ გერმანიის გუნდს 2:5:1:5 მოუგეს.

თამარ ესაძემ და დიანა ლომაიამ პარტიები წარმატებით დაასრულეს.  ლილე ქორიძე ფიონა სიებერს  დაუზავდა.

მარია ჰანა კლერკმა კი ეკატერინე ფიფია დაგვიშამათა.

საქართველოს მე-3 ნაკრები ბოლო ტურის წინ მე-18 ადგილზე იმყოფება.

 

 

 

 

0 კომენტარი
0

მსგავსი პუბლიკაციები

დატოვეთ კომენტარი