მთავარი მსოფლიოევროპის ჩემპიონატი საქართველოს ქალ მოჭადრაკეთა ნაკრებმა ევროპის ვიცეჩემპიონის ტიტული მოიპოვა

საქართველოს ქალ მოჭადრაკეთა ნაკრებმა ევროპის ვიცეჩემპიონის ტიტული მოიპოვა

ავტორი კახა მიხანაშვილი
89 ნახვა

საქართველოს ქალ მოჭადრაკეთა ნაკრებმა ბათუმში მიმდინარე ევროპის გუნდურ ჩემპიონატზე ვერცხლის მედალი მოიპოვა.

ქართველებმა ევროპირველობაზე 9 ორთაბრძოლა ჩაატარეს. აქედან 7-ჯერ გამარჯვებული გამოვიდნენ.  ერთი შეხვედრა ევროპის მომავალ ჩემპიონ რუსეთთან და დამარცხდა აზერბაიჯანთან კი ქულები გაიყო.

საქართველოს პირველმა ნაკრებმა ბოლო ტურში საქართველოს მე-2 გუნდთან 3:1 მოიგო.

ნანა ძაგნიძემ პარტია ყაიმით ნინო ბაციაშვილთან დაასრულა.   ასევე ყაიმზე შეთანხმდნენ ნინო ხომერიკი და ლელა ჯავახიშვილი.

ბელა ხოტენაშვილმა სოფიკო ხუხაშვილს სძლია.  მერი არაბიძემ კი სოფიო გვეტაძე დააშამათა.

საქართველოს მე-2 ნაკრებმა ევროპის ჩემპიონატი 10 ქულით მე-9 ადგილზე დაასრულა.

29-ე ადგილზე დასრულა კონტინენტის პირველობაზე გამოსვლა საქართველოს მე-3 ნაკრებმა.  ქართველებმა ბოლო ტურის ორთაბრძოლაში პარტიები პოლონეთთან უშანსოდ 0:4 დათმეს.

პარტიები ლილე ქორიძემ,  თამარ ესაძემ, ნია დოღვანმა  და დიანა ლომაიამ წააგეს.

აი ის მოჭადრაკეები, რომლებმაც  ვიცეჩემპიონის ტიტული მოიპოვეს:  ნანა ძაგნიძე,  ლელა ჯავახიშვილი, ბელა ხოტენაშვილი,  მერი არაბიძე, სალომე მელია.

ევროპის გუნდური ჩემპიონატის გამარჯვებული რუსეთის გუნდი გახდა.   ტურნირის ბრინჯაოს მედალი აზერბაიჯანის გუნდმა დაისაკუთრა.

0 კომენტარი
0

მსგავსი პუბლიკაციები

დატოვეთ კომენტარი