მთავარი საქართველოდიდი ათი დიდი 10: “ლელომ” აუტსაიდერი “არმია” გაანადგურა

დიდი 10: “ლელომ” აუტსაიდერი “არმია” გაანადგურა

ავტორი კახა მიხანაშვილი
201 ნახვა

საქართველოს სარაგბო ჩემპიონატის დიდი 10-ის მე-7 ტურში თბილისური გუნდების “ლელოს” და “არმია” დაპირისპირება შედგა.

დაძაბული ბრძოლა არ გამოვიდა, რადგან “ლელომ” იოლად 28-ქულიანი სხვაობით 33-5 გაიმარჯვა.

მატჩში ანგარიში მე-20 წუთზე გაიხსნა. “ლელოს” ფულბეკმა სოსო მათიაშვილმა ჯარიმიდან გაიტანა 3-0.

30-ე წუთზე საქართველოს ნაკრების მორაგბემ სოსო მათიაშვილმა მეორე ჯარიმაც ზუსტად დაარტყა 6-0.

პირველი ტაიმის დარჩენილ დროში “ლელომ” ორი გარდასახული ლელო გაიტანა და პირველი ნახევარი სოლიდური ანგარიშით 20-0 მოიგო.

36-ე წუთზე ლელო დემე თაფლაძემ დადო.
ტაიმის უკანასკნელ წუთზე კი ბურთის დამიწება მეტოქის ჩათვლის მოედანში ბექა მამუკაშვილმა მოახერხა.
გარდასახვისას ორივე შანსი სოსო მათიაშვილმა გამოიყენა.

მეორე ნახევარში თამაშის სურათი არ შეცვლილა.
მატჩის მიმდინარეობას “ლელოს” მორაგბეები აკონტროლებდნენ.
შესაბამისად მათ კიდევ ორი ლელო გაიტანეს.

თუმცა მივყვეთ თანმიმდევრობით.

43-ე წუთზე სოსო მათიაშვილს ჯარიმის დარტყმის უფლება მიეცა და ისევე როგორც წინა შემთხვევაში, მას მიზანმა არც ამ მომენტში უმტყუნა 23-0.

“არმიამ” ე.წ პრესტიჟის ლელო 54-ე წუთზე გაიტანა. თავი გუნდის გარემარბმა ალექსანდრე მერკვილიშვილმა გამოიჩინა 23-5.

61-ე და 78-ე წუთებზე ლელოები გრიგოლ ქერდიყოშვილმა და აკაკი ტაბუციძემ დადეს.
სოსო მათიაშვილს 100%-იანი შედეგის დაფიქსირება შეეძლო, თუმცა ბოლო გარდასახვისას ბურთი ძელებს შორუს ვერ გააძვრინა.

საბოლოოდ “ლელომ” აუტსაიდერი “არმია” 33-5 დაამარცხა. ბონუს ქულაც აიღო და სატურნირი ცხრილში 22 ქულით მე-5 ადგილზე გადავიდა.

“არმია” კი 5 ქულით ჩემპიონატის ღრმა აუტსაიდერია.

“ლელო” 33:5 “არმია”

“ლელო”: 4 – თაფლაძე, მამუკაშშვილი, ქერდიყოშვილი, ტაბუციძე
3 გარდასახვა: მათიაშვილი (3)
3 ჯარიმა: მათიაშვილი (3)

“არმია”: ლელო – მერკვილიშვილი

ქვემო ქართლული გუნდების დაპირისპირება რუსთავის “ხარებსა” და მარნეულის “არმაზს” შორის რუსთაველთა გამარჯვებით 17-10 დასრულდა.

“ხარები” 17:10 “არმაზი”

“ხარები”: 2 ლელო: ქანდაურიშვილი, ბასილაია
2 გარდასახვა: ბუჯიაშვილი (2)
1 ჯარიმა: ბუჯიაშვილი

“არმია”: ლელო – იაშაღაშვილი
1გარდასახვა: ჯინჭველაშვილი
1 ჯარიმა: ჯინჭველაშვილი

0 კომენტარი
0

მსგავსი პუბლიკაციები

დატოვეთ კომენტარი