მთავარი მთავარი შოთა მიშველიძემ სალიცენზიო ტურნირზე სამი ოქროს მედალი დაისაკუთრა

შოთა მიშველიძემ სალიცენზიო ტურნირზე სამი ოქროს მედალი დაისაკუთრა

ავტორი კახა მიხანაშვილი
75 ნახვა

ბელარუსის ქალაქ გროდნოში ორგზის ოლიმპიური ჩემპიონის ალექსანდრ კურლოვიჩის ხსოვნისადმი მიძღვნილი ძალოსნობის ტურნირი გაიმართა.

შეჯიბრება 2020 წლის ოლიმპიური თამაშებისთვის სალიცენზიო ქულების მომტანი იყო.

ბელარუსში გამართულ ჩემპიონატზე მონაწილეობა ორ ქართველ ძალოსანს უნდა მიეღო, თუმცა მცირე ტრავმის გამო ოლიმპიურმა, მსოფლიოსა და ევროპის 4-გზის ჩემპიონმა ლაშა ტალახაძემ ფიცარნაგზე გასვლა ბოლო მომენტში გადაიფიქრა.

ალექსანდრ კურლოვიჩის ტურნირზე ევროპის ჩემპიონი შოთა მიშველიძე გამოვიდა. 61 კგ წონაში მოასპარეზე ქართველმა სპორტსმენმა ბრწინვალედ იასპარეზა და 3 ოქროს მედალი დაიმსახურა.

მიშველიძემ ატაცში 123 კილოგრამი დააფიქსირა.
აკვრაში კი 143 კილოგრამი დაიმორჩილა.
შოთა მიშველიძემ ორჭიდის ჯამში 266 კილოგრამი დააგროვა და აქტივში მნიშვნელოვანი სარეიტინგო ქულები ჩაიწერა.

გროდნოში დასრულებულ ტურნირში 18 ქვეყნის 60-ზე მეტი ძალოსანი მონაწილეობდა.

ქართველ ძალოსნებს ოლიმპიადის სალიცენზიო ქულების მოპოვება 14-17 ნოემბერს თურქეთის ქალაქ გაზიანთეფშიც გასამართ შეჯიბრებაშიც შეეძლებათ.

თურქულ ტურნირზე ქართველი ძალოსნების მონაწილეთა ვინაობა, ჯერჯერობით უცნობია.

0 კომენტარი
0

მსგავსი პუბლიკაციები

დატოვეთ კომენტარი