მთავარი ჭიდაობაბერძნულ-რომაული იაკობ ქაჯაია მეორე ევროპული თამაშების ოქროს მედალს მიიღებს

იაკობ ქაჯაია მეორე ევროპული თამაშების ოქროს მედალს მიიღებს

817 ნახვა

ბერძნულ-რომაულ ჭიდაობაში საქართველოს ეროვნული ნაკრების წევრი იაკობ ქაჯაია, რომელმაც წლეულს მინსკში გამართულ მეორე ევროპულ თამაშებზე ვერცხლის მედალი მიიღო, ამ თამაშების გამარჯვებულად გამოცხადდა და ახლო მომავალში ოქროს ჯილდო გადაეცემა.

ამის შესახებ საქართველოს ეროვნულ ოლიმპიურ კომიტეტს ოფიციალურად შეატყობინა  ევროპის ოლიმპიური კომიტეტების გენერალურმა მდივანმა რაფაელე პანიოციმ.

მიღებული წერილის თანახმად, მძიმე წონის მოჭიდავეთა ფინალურ შეხვედრაში გამარჯვებულად გამოცხადებული ბელარუსი სპორტსმენი კირილ გრიშჩანკა მხილებულია აკრძალული  პრეპარატის გამოყენებაში და ჩამოერთვა ევროპული თამაშების ჩემპიონის წოდება. შესაბამისად, თამაშების ჩემპიონის ტიტული და ოქროს მედალი მიეკუთვნა იაკობ ქაჯაიას.

ამის გამო ასევე შეიცვალა მონაწილე ქვეყნების საბოლოო სატურნირო ცხრილი და ჩვენმა ოლიმპიურმა გუნდმა ერთი საფეხურით წინ წაიწია და მეექვსე ადგილზე გადავიდა.

0 კომენტარი
0

მსგავსი პუბლიკაციები

დატოვეთ კომენტარი