მთავარი მსოფლიოინგლისი ნოვაკ ჯოკოვიჩი: „ჩემი ამოცანაა 2019 წელი რეიტინგის პირველ პოზიციაზე დავასრულო”

ნოვაკ ჯოკოვიჩი: „ჩემი ამოცანაა 2019 წელი რეიტინგის პირველ პოზიციაზე დავასრულო”

ავტორი კახა მიხანაშვილი
20 ნახვა

მსოფლიოს ყველა დროის ერთ-ერთმა საუკეთესო ჩოგბურთელმა ნოვაკ ჯოკოვიჩმა სააგენტო ,,როიტერთან” საუბარში მოახლოვებულ წლის შემაჯამებელ ტურნირზე ისაუბრა და მისი მეტოქეები შეაფასა.

სერბი ჩოგბურთელის განცხადებით, მისი ამოცანაა ტურნირი რეიტინგის პირველ პოზიციაზე დაასრულოს.

ნოვაკ ჯოკოვიჩი: „ჩემი ამოცანაა 2019 წელი რეიტინგის პირველ პოზიციაზე დავასრულო.
ლონდონში შემაჯამებელ ტურნირზე მაქსიმალურად კარგი შედეგი უნდა დავაფიქსირო.
ეს ძალიან რთული ამოცანაა იმის გათვალისწინებით, რომ ტურნირზე უძლიერესი მეტოქეები დამიპირისპირდებიან.
როჯერ ფედერერი ყველა დროის ერთ-ერთი საუკეთესო ჩოგბურთელია. მის წინააღდეგ არაერთხელ მითამაშია და ვიცი, რომ ის არაფერს დამითმობს. ფედერერთან გამარჯვების მოპოვება ყოველთვის რთულია და ახლაც ასე იქნება.
დომინიკ ტიმი კარგ ფორმაში იმყოფება და ჯგუფიდან გასვლისთვის იბრძოლებს. მასთან ოდნავი მოდუნებაც კი შეიძლება ძალიან ძვირი დამიჯდეს.
მატეო ბერეტინიმ ბოლო დროს ძალიან მოუმატა და ლონდონში ტურისტად არც იტალიელი იქნება ჩამოსული.
რაფაელ ნადალთან კი ბრძოლა რეიტინგის ლიდერობისთვის მომიწევს.
თუ შევძლებ ზედიზედ მეორე სეზონის პირველი ჩოგანის რანგში დასრულებას, ეს უბრალოდ, ფანტასტიკური შედეგი იქნება. ყოველდღე ამის შესახებ  ფიქრი დიდ მოტივაციას მაძლევს. მე, მზად ვარ წარმატების მოსაპოვებლად დანარჩენი კორტებზე გამოჩნდება.“, – განაცხადა ჯოკოვიჩმა სააგენტო „როიტერთან“ საუბარში.

2019 წლის შემაჯამებელი ტურნირი ბრიტანეთის დედაქალაქ ლინდონში სტარტს 10 ნოენვერს აიღებს და 17 ნოემბამდე  გაგრძელდება.

ბიორგის ჯგუფში ჯოკოვიჩის მეტოქეები როჯერ ფედერერი, დომინიკ ტიმი და მატეო ბერეტინი იქნებიან.

ანდრე აგასის ჯგუფში კი რაფაელ ნადალი, დანიილ მედვედევი, სტეფანოს ციციპასი და ალექსანდრ ზვერევი არიან წარმოდგენილნი.

ჯგუფიდან 1/2 ფინალში ორი საუკეთესო ჩოგბურთელი გავა.

0 კომენტარი
0

მსგავსი პუბლიკაციები

დატოვეთ კომენტარი