მთავარი ჭიდაობათავისუფალი დევკაცის მეორე ოქრო და კენჭაძის სადებიუტო ვერცხლი

დევკაცის მეორე ოქრო და კენჭაძის სადებიუტო ვერცხლი

533 ნახვა

უკვე მეორედ გადმოხედა ჩვენმა დევკაცმა გენო პეტრიაშვილმა მსოფლიოს კვარცხლბეკის უმაღლესი საფეხურიდან. შარშან, პარიზულ ბერსის დარბაზში დაიმშვენა მკერდი ოქროს მედლით, წელს კი ბუდაპეშტურ ლასლო პაპის სახელობის კომპლექსში.

ფინალურ შეხვედრა ჩვენებურის სრული დომინაციით წარიმართა . წამითაც კი არ დამდგარა ეჭვქვეშ მისი ჩემპიონობა. ქულებსაც, ნელ-ნელა, აუღელვებლად და აკადემიურ სტილში აგროვებდა – 0:2. 0:4, 0:6.

მანამდე კი მიჯრით სამ შეხვედრაში იმარჯვა გორელმა ფალავანმა. საჩემპიონი მარათონში მერვედფინალიდან ჩაერთულმა მასპინძელ დანიელ ლიგეტის ვადაზე ადრე, 11:1 მოუმთავრა საქმე, მეოთხედფინალში რუსთა ჩეჩენ ჯილას ანზორ ხიზრიევს არაქათი გამოაცალა და 8:5 აჯობა, ნახევარფინალში კი თვით ტაჰა აკგულის წამქცევი არვიზ ხოდავირდი ჰადიბასმანჯი ირანიდან 13:6 დაჯაბნა.

ვიცეჩემპიონობით აღნიშნა თავისი დებიუტი მსოფლიო ავთანდილ კენჭაძემ, თან ეს იმის ფონზე, რომ წონაში ევროპისა და 2 მსოფლიოს მოქმედი ჩემპიონი ჰყავდა.

ამბროლაურელ ფალავანს პირველივე წრეში დიდი ომის გადატანა მოუწია აზიის მოქმედ ჩემპიონ, ბეკზოდ აბდურახმონოვთან. თავიდან 0:8 ჩამორჩა, თუმცა საკუთარ თავს გადაახტდა, უზბეკს შეხვედრა დაუტრიალა და 12:12 ქულების დამატებითი მაჩვენებლებით სძლია. აი აქ უკვე კოჭებში შეეტყო, რომ დიდი მიზნებისთვის საბრძლველად იყო ჩასული უნგრეთში. მომდევნო მეტოქეს პოლონელ სოკალსკის მარტივად გაუსწორდა – 12:2, არც აზერბაიჯანელ აბუბაკაროვთან დასდგომია დიდი ჯაფა – 5:2, თურქთა ევროპის მოქმედი ჩემპიონი დემირტაში კი საერთოდაც ორთავე ბეჭით წმინდად გააკრა ხალიჩას.

ფინალში ჩვენებურის პირისპირ რუსი ზაურბეგ სიდაკოვი დადგა. ცდა და მონდმება არ დაუკლია ავთოს, თუმცა ბოლო 2 ქულის წყალობით გამარჯვება მეტოქეს დარჩა.

მოკლედ, ბუდაპეშტის კარი ოქრო-ვერცხით შევაღეთ… ვნახოთ დანარჩენები როგორ იყოჩაღებენ.

 

 

 

 

 

ჩინელ დიჟეი ვენს 6 უპასუხო ქულა აართვა და

 

ჩვენებურის მეტოქე ჩინელი

 

 

0 კომენტარი
0

მსგავსი პუბლიკაციები

დატოვეთ კომენტარი