მთავარი მსოფლიოინგლისი ,,ვეცდები დავამსხვრიო სტერეოტიპი, რომ ქართველ მორაგბეებს ინგლისურ კლუბებში დამკვიდრება უჭირთ” – ნოდარ ჭეიშვილმა ‘’ლონდონ სქოთიშთან’’ კონტრაქტი გააფორმა

,,ვეცდები დავამსხვრიო სტერეოტიპი, რომ ქართველ მორაგბეებს ინგლისურ კლუბებში დამკვიდრება უჭირთ” – ნოდარ ჭეიშვილმა ‘’ლონდონ სქოთიშთან’’ კონტრაქტი გააფორმა

ავტორი კახა მიხანაშვილი
13 ნახვა

საქართველოს ნაკრების 29 წლის მორაგბემ ნოდარ ჭეიშვილმა, ინგლისის ჩემპფიონშიპის (პირველი დივიზიონი) კლუბ ,ლონდონ სქოთიშთან”კონტრაქტი  გააფორმა ქართველი ბრიტანეთის  დედაქალაქში სეზონის ბოლომდე ითამაშებს.

ქართველი მეორეხაზელი ლონდონურ კლუბს დაახლოებით ერთი თვის წინ შეუთანხმდა, მაგრამ ინდივიდუალური ვარჯიშისას ბარძაყის უკანა კუნთი გაიწყვიტა და ტრანსფერი საფრთხის წინაშე დადგა. მიუხედავად ამისა, მწვრთნელებმა გადაწყვეტილება არ შეცვალეს და ინგლისურმა კლუბმა ჭეიშვილი დღეს ოფიციალურად წარადგინა.

ნოდარ ჭეიშვილი: ,,ინგლისში 15 ნოემბერს ჩამოვედი. ეს კვირა რეაბილიტაციას დაეთმობა და მომდევნო კვირიდან უკვე 100%-ით მზად ვიქნები. მწვრთნელები ძალიან კარგად შემხვდნენ და მითხრეს, რომ ჩემზე დიდ იმედებს ამყარებენ. რეკომენდაცია გამიწია და კარგად დამახასიათა ბორჯღალოსნების შერკინების ყოფილმა მწვრთნელმა გრეემ როუნთრიმ. კლუბთან კონტრაქტი მიმდინარე სეზონის ბოლომდე გავაფორმე, თავს ძალიან კარგად ვგრძნობ და ვიმედოვნებ, რომ საკმარისი სათამაშო დრო მექნება“ – ამბობს აწ უკვე ‘ლონდონ სქოთიშის’ მეორეხაზელი.

ჭეიშვილი ინგლისის ჩემპიონშიფში შარშანაც თამაშობდა და ,ქორნიშ, პაირეთსის”ღირსებას  იცავდა. ის ამბობს, რომ ინგლისის პირველი დივიზიონის კლუბებში ისეთივე პროფესიონალური მიდგომებია, როგორც პრემიერშიფში:

ნოდარ ჭეიშვილი: ვარჯიში  ყოველ დღე, დილით ადრე გვეწყება და საღამომდე ყველანი ბაზაზე ვართ, რაც ძალიან კარგია, მუდმივად რეჟიმში ვარ. მსურდა, რომ სრული დატვირთვით ამავე კვირაში მევარჯიშა, მაგრამ მწვრთნელებმა და ექიმებმა კიდევ ერთი კვირა მოცდა მირჩიეს. გუნდში სავარჯიშოდ ყველანაირი პირობა გვაქვს – კარგი მოედანი, ტრენაჟორების დარბაზი და ა.შ. წელს გუნდის მიზანი ჩემპიონშიფში ადგილის შენარჩუნებაა“.

,, ლონდონ სქოთიში”დიდი  ისტორიის მქონე კლუბია. ის 141 წლის წინ, ჯერ კიდევ მე-19 საუკუნეში, 1878 წელს დაარსდა. გუნდი საშინაო შეხვედრებს  „ათლეთიქ გრაუნდზე“ ატარებს, რომელიც 4500 მაყურებელს იტევს. ჩემპიონშიფის მიმდინარე სეზონში ჩატარებული 6 შეხვედრიდან მან ორი მოიგო, ერთი ფრედ დაასრულა და ჯამში 13 ქულით მე-8 ადგილზეა (12 გუნდს შორის).

ნოდარ ჭეიშვილი დარწმუნებულია, რომ ,,ლონდონ სქოთიშში” დიდ პროგრესს განიცდის, რაც სამომავლოდ საერთაშორისო არენაზე გამოადგება:

,,მიუხედავად იმისა,  რომ ‘ქორნიშ პაირეთსში’ ბევრი თამაში არ მომიწია, პროფესიონალური მიდგომებით და ვარჯიშებით შარშან დიდი პროგრესი მქონდა. ახლა უფრო კარგ გუნდში ვარ და ვიმედოვნებ თამაშიც უფრო ხშირად მომიწევს, რაც წინსვლაში კიდევ უფრო დამეხმარება. ინგლისური რაგბი მომწონს, რადგან ტემპი მაღალია და სულ ღია თამაშია. ვეცდები ზურა ჟვანიას მსგავსად დავამსხვრიო სტერეოტიპი, რომ ქართველ მორაგბეებს ინგლისურ კლუბებში დამკვიდრება უჭირთ და კარგი სეზონი ჩავატარო“.  -აცხადებს ქართველი მორაგბე.

წყარო: საქართველოს რაგბის კავშირი

 

0 კომენტარი
0

მსგავსი პუბლიკაციები

დატოვეთ კომენტარი