მთავარი მთავარი ნინო სალუქვაძე: ,,შექმნილი ვითარებიდან გამომდინარე ოლიმპიადის გადადებას მივესალმები”

ნინო სალუქვაძე: ,,შექმნილი ვითარებიდან გამომდინარე ოლიმპიადის გადადებას მივესალმები”

ავტორი კახა მიხანაშვილი
11 ნახვა

ტოკიოს ოლიმპიადა რიგით IX თამაშები უნდა ყოფილიყო ტყვიით სროლაში ოლიმპიური და მსოფლიოს ჩემპიონის, ევროპის არაერთგზის გამარჯვებულ ნინო სალუქვაძის კარიერაში. ამ მხრივ ის საქართველოში აქამდეც ხომ რეკორდსმენი იყო, ახლა კი სროლის სახეობებში მსოფლიოს მასშტაბითაც რეკორდის თანაავტორი გახდება, თუმცა იქ მონაწილეობა ერთი წლით გადაედო .

მსოფლიოში გავრცელებული ახალი კორონავირუსის გამო XXXII ოლიმპიური თამაშები 2021 წელს გაიმართება.

ოლიმპიადის გადავადებასთან დაკავშირებით თავის პოზიციას  ნინო სალუქვაძე საქართველოს  სროლის სახეობათა ეროვნული ფედერაციის ფეისბუქის ოფიციალურ გვერდზე აფიქსირებს.

ნინო სალუქვაძე; ,,ასეთ რამეს არავინ მოელოდა  და არც რაიმე გამოცდილება აქვს ვინმეს. ამიტომ უნდა დავემორჩილოთ საღ აზრს და ის გავაკეთოთ, რაც საჭიროა.

შექმნილი ვითარებიდან გამომდინარე, მე მივესალმები ამ გადაწყვეტილებას. პირიქით – ვამბობდით, რომ ორი თვით გადადებას აჯობებდა, ერთი წლით გადაედოთ, როცა უსაფრთხოება უფრო უკეთ იქნება დაცული. ისე, მე ისიც სულ მიკვირდა, თამაშები წლეულს რატომ დანიშნეს ორი თვით ადრე – წინა ოლიმპიადები დაახლოებით სექტემბრის ბოლოს იყო, ახლა კი ივლისის ბოლოს იწყებოდა. შესაბამისად, ჩვენც მოგვიწია მოსამზადებელი პერიოდის ორი თვით გადმოწევა. ცხადია, ბევრი ხარჯი და ენერგია გავწიეთ იმისთვის, რომ ივლისისთვის შევსულიყავით ფორმაში, მაგრამ ასეთი სიტუაციის ფონზე რას ვიზამთ – ყველანი უნდა დავემორჩილოთ იმ წესებს, რაც საჭიროა.” -აცხადებს ოლიმპიური ჩემპიონი.

წყარო: საქართველოს  სროლის სახეობათა ეროვნული ფედერაცია

0 კომენტარი
0

მსგავსი პუბლიკაციები

დატოვეთ კომენტარი