მთავარი მთავარი საქართველოს თასის ფინალისტები ცნობილია – თბილისის “დინამო” “გაგრასთან” შერცხვა

საქართველოს თასის ფინალისტები ცნობილია – თბილისის “დინამო” “გაგრასთან” შერცხვა

ავტორი კახა მიხანაშვილი
170 ნახვა

საქართველოს დავით ყიფიანის სახელობის თასის 1/2 ფინალში თბილისში “დავით პეტრიაშვილის სახელობის სტადიონზე”  სენსაცია დაფიქსირდა.

საქართველოს ყველაზე ტიტულოვანი გუნდი თბილისის “დინამო” ქვედალიგელ “გაგრასთან”  დამარცხდა და ფინალის მიღმა დარჩა.

აფხაზურმა კლუბმა დედაქალაქელებს ოვერტაიმში 1-0 სძლია.   მატჩის ძირითადი და დამატებითი დრო ფრედ 0-0 დასრულდა.

გადამწყვეტი გოლი პირველი დამატებითი ტაიმის ბოლო წუთზე ვაჟა მათიაშვილმა გაიტანა.

დიდი შანსია ქართული ფეხბურთის ფლაგმანი “დინამო” წელს ტიტულის გარეშე დარჩეს.  თბილისელებს კარგად საქმეები არც ეროვნულ ლიგაში მისდით.

თბილისის “დინამომ” ბოლოს ტიტული 2016 წელს მოიპოვა.

“გაგრას” 2011 წელს საქართველოს თასი ერთხელ უკვე აქვს მოგებული.  აფხაზური კლუბი საქართველოს თასის დაუფლებას წელსაც შეეცდება.

ფინალში “გაგრას” მეტოქე ქუთაისის “ტორპედო” იქნება.   იმერლებმა “თელავი” 1-0 დაამარცხა.  მატჩის ერთადერთი გოლი უკრაინელმა ალექსანდრ აზაცკიმ  მე-10 წუთზე გაიტანა.

ქუთაისის “ტორპედოს” საქართველოს თასი ისტორიაში 3-ჯერ აქვს მოპოვებული.   დავით ყიფიანის სახელობის თასზე ბოლოს მათ წარმატებას 2016 წელს მიაღწიეს.

“გაგრა”  1:0  “დინამო” (თბილისი) 

გოლი:  105’  მათიაშვილი (1-0)

“გაგრა”: შევჩუკი, სულთანიშვილი, კილაძე, სამხარაძე (კასრელიშვილი 117), გ. გაფრინდაშვილი, ხოსიტაშვილი, კაკიაშვილი, ხაბელაშვილი, ლომსაძე (ივანიაძე 73), სპანდერაშვილი (მათიაშვილი 82), თ. გაფრინნდაშვილი (პაპავა 113)

“დინამო”: ბულისკერია, რუხაია, ქაფიანიძე (ლოჩოშვილი 53), კობოური, ხარაბაძე, ნინუა (ერგემლიძე 106), ივანისენია, შენგელია, ქოჩლაძე (ზივზივაძე 84), ივანიშვილი (გილმორი 65), ვაწაძე

მსაჯი: ა. ნონიკაშვილი

“თელავი” 0:1 “ტორპედო” (ქუთაისი)
10′ აზაცკი

ფოტო: fcdinamo.ge

0 კომენტარი
0

მსგავსი პუბლიკაციები

დატოვეთ კომენტარი