მთავარი მთავარი რომამ” მოსკოვში გაიმარჯვა – “ვალენსიამ” “იანგ ბოისს” სძლია

რომამ” მოსკოვში გაიმარჯვა – “ვალენსიამ” “იანგ ბოისს” სძლია

ავტორი კახა მიხანაშვილი
83 ნახვა

უეფას ჩემპიონთა ლიგის მე-4 ტურის ორი ნაადრევი მატჩი უხვგოლიანი და საინტერესო გამოდგა.

G ჯგუფში მოსკოვში “ლუჟნიკის” სტადიონზე “რომამ” მასპინძელ “ცსკას” 2-1 სძლია და ფლეი-ოფში გასვლისკენ დიდი ნაბიჯი გადადგა.

რომაელებმა სწრაფი გოლის გატანა მოახერხეს. მე-4 წუთზე ანგარიში ლორენცო პელეგრინის პასით გუნდის ბერძენმა მცველმა კოსტანტინოს მანოლასმა გაიტანა.

პირველ ტაიმში მეტი გოლი აღარ გასულა.

მეორე ნახევრის დასაწყისში რუსმა “არმიელებმა” ანგარიშის გათანაბრება შეძლეს.
50-ე წუთზე ისლანდიელმა ამორ სიგურდსონმა იხეირა 1-1.

56-ე წუთზე “ცსკას” მეორე ისლანდიელმა ფეხბურთელმა ჰორდურ მაგნუსონმა იუხეშა. მსაჯმა მას ყვითელი ბარათი უჩვენა. ისლანდიელისთვის ეს გაფრთხილება მეორეცაღმოჩნდა და მოედნის დატოვება მოუწია.
რიცხობრივი უპირატესობა “რომამ” მალე გამოიყენა.

59-ე წუთზე ლორენცო პელეგრინმა ბოსნიელი ედინ ჯეკოს პასი შეირგო და იტალიური გუნდი წინ გავიდა.
დარჩენილ ნახევარ საათში ანგარიში აღარ შეცვლილა.
ამ გამარჯვების შემდეგ “რომას” 9 ქულა აქვს და ჯგუფში პირველ ადგილზე იმყოფება.

“ცსკა” 4 ქულით მე-3 პოზიციას იკავებს.

ჯგუფის მეორე შეხვედრა მადრიდის “”რეალსა” “პლზენს” შორი ამ წუთებში მიმდინარეობს.

მოსკოვი, “ლუჟნიკი”

“ცსკა” (მოსკოვი) 1:2 “რომა” (იტალია)
4′ მანოლასი (0-1), 50′ სიგურდსონი (1-1), 59′ პელეგრინი (1-2)
გაძევება: 56′ მაგნუსონი – “ცსკა”

“ცსკა”: აკინფეევი, ფერნანდესი (12′ შენიკოვი), მაგნუსონი, ნაბაბკიკი, ახმეტოვი (76’ხოსონოვი), ბიჟოლი, ობლიაკოვი, ვლასიჩი, სიგურდსონი (64′ ჩერნოვი), ჩალოვი

“რომა”: ოლსენი, კოვალოვი, ფაზიო, მანოლასი, სანტონი, კრისტანტე, ნ’ზონზი, ფლორენცი (88’ჟესუსი), კლუივერტი (70′ უნდერი) , პელეგრინი (82′ ზანიოლო), ჯეკო

H ჯგუფში “ვალენსიამ” შინ შვეიცარიის ჩემპიონი “იანგ ბოისი” 3-1 დაამარცხა.

“ღამურებმა” ამ გამარჯვების შემდეგ 5 ქულა დააგროვეს და “მანჩესტერ იუნაიტედს” გაუსწრეს.

“წითელი ეშმაკები” ამ წუთებში ტურინში, “იუვენტუსთან” ბრძოლობენ.

“ვალენსია” 3:1 “იანგ ბოისი”
14’მინა (1-0), 37′ ასალე (1-1), 42′ მინა (2-1), 56′ სოლერი (2-1)
გაძევება: 77′ სანოგო – “იანგ ბოისი”

0 კომენტარი
0

მსგავსი პუბლიკაციები

დატოვეთ კომენტარი