მთავარი მთავარი ტოჩინოშინმა კიუშუ ბაშოზე მე-2 გამარჯვება იზეიმა

ტოჩინოშინმა კიუშუ ბაშოზე მე-2 გამარჯვება იზეიმა

ავტორი კახა მიხანაშვილი
401 ნახვა

იაპონიაში “ფუკუოკა კოკუსაი სენთერშის”  დარბაზში მიმდინარე კიუშუ ბაშოზე მე-3 დღის ბრძოლები შედგა.

ქართველმა ოძეკმა ლევან გორგაძემ ნოემბრის ბაშოზე მე-2 გამარჯვება მოიპოვა.

ტოჩინოშინმა აღმოსავლეთის პირველი მაეგაშირა  იაპონელი მიოგირიუ  დაამარცხა.

ბრძოლა ძალიან დაძაბული აღმოჩნდა. ორივე რიკიში გადამწყვეტი უპირატესობის მოპოვებას ცდილობდა. ბოლოს კი ქართველმა აზიელი სუმოისტი  დოჰიოზე ჰატაკიკომის ილეთით გააკრა.

ლევან გორგაძეს ამ გამარჯვების შემდეგ ბაშოზე 2 მოგება და 1 წაგება დაუგროვდა.

კიუშუ ბაშოზე  ძალიან ცუდად გამოდის ერთადერთი იოკოძუნა კისენოსატო, მან  ზედიზედ მე-3 ბრძოლა წააგო.

ხვალ, კი კიუშუ ბაშოზე ტოჩინოშინის წინააღმდეგ ბრაზილიელი კომოსუბი კაისეი დადგება.  მისი ბალანსი ლევანის მსგავსად ამ ბაშოზე 2-1 ფიქსირდება.

ურთიერთშეხვედრებში კი უპირატესობას ქართველი ოძეკი ფლობს.  დღემდე ეს რიკიშები ერთმანეთს 17-ჯერ დაუპირისპირდნენ, საიდანაც 10-ჯერ გამარჯვება ქართველს დარჩა.

 

 

 

0 კომენტარი
0

მსგავსი პუბლიკაციები

დატოვეთ კომენტარი