მთავარი საქართველოეროვნული ნაკრები საქართველოს ეროვნული ნაკრები ანდორასთან მატჩისთვის სრული შემადგენლობით ემზადება

საქართველოს ეროვნული ნაკრები ანდორასთან მატჩისთვის სრული შემადგენლობით ემზადება

ავტორი კახა მიხანაშვილი
113 ნახვა

საქართველოს ეროვნული ნაკრები ანდორაში იმყოფება და წლის მეხუთე ოფიციალური მატჩისთვის ემზადება.

ვლადიმირ ვაისის განკარგულებაში 23 ფეხბურთელია, მათ ანდორის ფეხბურთის  ფედერაციის სავარჯიშო მოედანზე სრული შემადგენლობით უკვე ივარჯიშეს.

საწვრთნელი პროცესი ხელოვნურსაფარიან მოედანზე მიმდინარეობს, რადგან მატჩის მასპინძელ  სტადიონზეც ხელოვნური საფარია დაგებული.

ეროვნული ნაკრების კაპიტანი ჯაბა კანკავა ლატვიასთან მატჩში მიღებული ტრავმის შემდეგ, უკვე გამოჯანმრთელდა და უეფას ერთა ლიგის ჯგუფური ეტაპის ბოლო მატჩებისთვის სრული დატვირთვით ემზადება.

საქართველოს ეროვნული ნაკრები უეფას ერთა ლიგის მასპინძელ სტადიონზე 14 ნოემბერს თბილისის დროით 22:00 საათზე ივარჯიშებს. საწვრთნელი პროცესის დაწყებამდე 30 წუთით ადრე, მედიის წარმომადგენელთა შეკითხვებს ვლადიმირ ვაისი ოფიციალურ პრესკონფერენციაზე უპასუხებს.

საქართველოს ნაკრების განაცხადი ანდორასთან მატჩში ასეთია:

მეკარეები: გიორგი ლორია (უგუნდოდ), როინ კვასხვაძე (“ტორპედო”, ქუთაისი), ლაზარე კუპატაძე (“საბურთალო”, თბილისი);

მცველები: ოთარ კაკაბაძე (“ლუცერნი”, შვეიცარია), სოლომონ კვერკველია (“ლოკომოტივი”, მოსკოვი, რუსეთი), დავით ხოჭოლავა (“შახტარი”, დონეცკი, უკრაინა), გურამ კაშია (“სან ხოსე ერსკვეიკსი”, აშშ), ლაშა დვალი (“პოგონი”, პოლონეთი), გიორგი ნავალოვსკი (“დინამო”, მინსკი, ბელარუსი), ჯიმი ტაბიძე (“უფა”, რუსეთი);

ნახევარმცველები:  ჯაბა კანკავა, ნიკა კვეკვესკირი (ორივე “ტობოლი”, ყაზახეთი), გიორგი აბურჯანია (“ლუგო”, ესპანეთი), ვაკო გვილია (“ლუცერნი”, შვეიცარია), ოთარ კიტეიშვილი (“შტურმი”, ავსტრია), გიორგი მერებაშვილი (“ვისლა”, პლოცკი, პოლონეთი), გიორგი ჩაკვეტაძე (“გენტი”, ბელგია), ვაკო ყაზაიშვილი (“სან ხოსე ერსკვეიკსი”, აშშ), ლუკა ზარანდია (“არკა”, პოლონეთი), ვახტანგ ჭანტურიშვილი (“სპარტაკ-ტრნავა”, სლოვაკეთი), გიორგი ხარაიშვილი (“გიოტებორგი”, შვედეთი);

თავდამსხმელი:  ნიკა კაჭარავა (“ანორთოსისი”, კვიპროსი), ბაჩანა არაბული (“პუშკაშ-აკადემია”, უნგრეთი)

ანდორასა და საქართველოს მატჩი 15 ნოემბერს, თბილისის დროით 23:45 საათზე დაიწყება.

შეხვედრის პირაპირ რეპორტაჟს საზოგადოებრივი მაუწყებლის პირველი არხი შემოგვთავაზებს.

წყარო: საქართველოს ფეხბურთის ფედერაცია

 

0 კომენტარი
0

მსგავსი პუბლიკაციები

დატოვეთ კომენტარი