მთავარი მსოფლიოესპანეთი სანტიაგო სოლარიმ მადრიდის “რეალთან” კონტრაქტი გააფორმა

სანტიაგო სოლარიმ მადრიდის “რეალთან” კონტრაქტი გააფორმა

ავტორი კახა მიხანაშვილი
43 ნახვა

არგენტინელმა მწვრთნელმა სანტიაგო სოლარიმ მადრიდის “რეალთან” კონტრაქტი გააფორმა.

ხელშეკრულების თანახმად სამხრეთ ამერიკელი სპეციალისტი “სამეფო კლუბში” 2021 წლის 30 ივნისამდე დარჩება. ამის შესახებ ინფორმაცია ესპანური კლუბის “ტვიტერის” გვერდზე გამოქვეყნდა.

აქამდე სანტიაგო სოლარი მადრიდის “რეალში”  მთავარი მწვრთნელის მოვალეობას დროებით ასრულებდა. მაგრამ მას შემდეგ რაც მისი ხელმძღვანელობით  გუნდმა 4 მატჩიდან ოთხივე მოიგო კლუბის დირექტორთა საბჭომ არგენტინელის დატოვება გადაწყვიტა.

“სამეფო კლუბში” სოლარის მოსვლის შემდეგ გუნდმა ჯერ სამეფო თასზე “მერილია” 4:0 გაანადგურა.  ამის შემდეგ კი ლა ლიგაში “ვალიადოლიდს” 2-0 მოუგო.

ჩემპიონთა ლიგაში კი ჩეხეთში “პლზენს” საფეხბურთო გაკვეთილი ჩაუტარა და 5-0 გაიმარჯვა.

რამდენიმე დღის წინ კი პრიმერა დივიზიონში ვიგოში “სელტას” 4-2 სძლია.

სანტიეგო სოლარი საფეხბურთო კარიერის დროს 2000-2005 წლებში მადრიდის “რეალის” ღირსებას იცავდა. არგენტინელმა გუნდის მაისურით 131 შეხვედრა ჩაატარა და 10 გოლი გაიტანა.

 

 

0 კომენტარი
0

მსგავსი პუბლიკაციები

დატოვეთ კომენტარი