მთავარი მსოფლიოევროლიგა თორნიკე შენგელიას 16 ქულამ “ბასკონიას” ვერ უშველა

თორნიკე შენგელიას 16 ქულამ “ბასკონიას” ვერ უშველა

ავტორი კახა მიხანაშვილი
59 ნახვა

საკალათბურთო ევროლიგის მე- 7 ტურის შეხვედრაში ესპანურმა “ბასკონიამ” გასვლაზე მონტენეგროს დედაქალაქ პოდგორიცაში  “ბუდოჩნოსტთან” 84:99 წააგო.

ესპანური კლუბის შემადგენლობაში საქართველოს ეროვნული ნაკრების კალათბურთელი თორნიკე შენგელია სასტარტო ხუთეულში იყო.  მან 27:38 წუთი ითამაშა.   “ბასკონიას” ლიდერმა  16 ქულა, 4 მოხსნა და 2 პასი მოაგროვა.

შენგელიას სარგებლიანობის კოეფიციენტმა 19 შეადგინა.  თორნიკე ამ მაჩვენებით მხოლოდ ბრაზილიელ  მარსელინიო უერტასს ჩამორჩა.  სამხრეთ ამერიკელმა 13 ქულა, 5 მოხსნა და 8 პასი მიითვალა.  მისი სარგებლიანობის კოეფიციენტი 26 დაფიქსირდა.

საქართველოს ნაკრების კიდევ ერთი კალათბურთელი მეტ ჯენინგი 4 ქულით, 4 პასით და 3 მოხსნით გამოირჩა.  მან პარკეტზე 21:28 წუთი დაჰყო.

“ბუდოჩნოსტიდან”  საუკეთესო თამაში ფრანგმა ედვინ ჯექსონმა ჩაატარა. მან 24 ქულა მოაგროვა.  20 ქულა კი მისმა თანაგუნდელმა ამერიკელმა ერლი კლარკმა ჩააგდო.

“ბასკონიას” განვლილი 7 ტურის შემდეგ მხოლოდ 2 გამარჯვება აქვს და სატურნირო ცხრილში მე-11 პოზიციაზე იმყოფება.

თორნიკე შენგელიას და მეტ ჯენინგის გუნდი ევროლიგაზე მორიგ შეხვედრას 21 ნოემბერს, მილანში “ოლიმპიასთან” გამართავს.

0 კომენტარი
0

მსგავსი პუბლიკაციები

დატოვეთ კომენტარი