მთავარი საქართველოეროვნული ნაკრები დრამატულ ორთაბრძოლაში “ბორჯღალოსნებმა” სამოას სძლიეს

დრამატულ ორთაბრძოლაში “ბორჯღალოსნებმა” სამოას სძლიეს

ავტორი კახა მიხანაშვილი
121 ნახვა

ნოემბის ტესტ-მატჩების სერიის მე-2 შეხვედრაში საქართველოს მორაგბეთა ნაკრებმა სამოას გუნდი უმძიმეს  ბრძოლაში 27-19 დაამარცხა.

თბილისში “ავჭალის” სტადიონზე გამართულ შეხვედრაში ქართველებმა ორი რადიკალურად განსხვავებული ტაიმი ჩაატარეს.

პირველ ნახევარში ჩვენმა ნაკრებმა ბევრი შეცდომა დაუშვა და ბრძოლაც 10-19 წააგო.

მეორე ნახევარში კი “ბორჯღალოსნებმა” დიდებული მატჩი გამართა და მატჩის გამარჯვებამდე მიიყვანა.

მე-2 წუთზე ქართველები თედო აბჟანდაძის ჯარიმით დაწინაურდნენ 3-0.

ამის შემდეგ სამოას ნაკრებმა მე-7 წუთიდან მოყოლებული 18-წუთიან მონაკვეთში 3 ლელო დადო.
ლელოები მე-7 წუთზე ედ ფიდოუმ, მე-16 წუთზე ფილო პაულო და 25-ე წუთზე აუსი ტუალამ გაიტანეს. 3-დან 2 გარდასახვა ტუსი პისიმ გამოიყენა.

30-ე წუთზე ქართველებმა საკუთარი დერეფანი მოიგეს და მოლი ააგორეს. ვასილ ლობჟანიძემ საქართველოს ნაკრების შეტევა ლელოთი დაასრულა. თედო აბჟანდაძე გარდასახვისას ზუსტი იყო.
ტაიმი 10-19 წავაგეთ.

მეორე ტაიმი ქართველების სრული უპირატესობით წარიმართა. მათ მეტიქეს ორი ლელო დაუდეს.

მე-60 წუთზე ლელო ოთია გიორგაძემ გაიტანა. გარდასახვისას ნერვებმა თედო აბჟანდაძეს არ უმტყუნა 17-19.

65-ე წუთზე საქართველოს ნაკრები წინ გავიდა.
ლელო შეცვლაზე შემოსულმა ჰავბეკმა გელა აფრასიძემ გაიტანა. ეს ლელო ახალგაზრდა მორაგბისთვის “ბორჯღალოსანთა” რიგებში პირველი აღმოჩნდა.
გარდასახვა თედო აბჟანდაძემ ზუსტად შეასრულა 24-19.

71-ე წუთზე ქართველების შეტევისას სამოას ნაკრები დაჯარიმდა.
ბურთთან თედო აბჟანდაძე მივიდა. მისი დარტყმის შემდეგ ბურთი ძელებს შორის ზუსტად გაძვრა.

საბოლოოდ საქართველოს ნაკრებმა სამოა დრამატულ  ბრძოლაში 24-17 დაამარცხა და ნოემბრის მეორე ტესტ-მატჩი გამარჯვებით დაასრულა.

საქართველო 27-19 სამოა

საქართველო: 15. ლაშა ხმალაძე, 14. გიორგი კვესელაძე, 13. თამაზ მჭედლიძე, 12. მერაბ შარიქაძე, 11. ზურაბ ძნელაძე, 10. თედო აბჟანდაძე, 9. ვასილ ლობჟანიძე. 1. მიხეილ ნარიაშვილი, 2. ჯაბა ბრეგვაძე, 3. დავით ქუბრიაშვილი, 4. ნოდარ ჭეიშვილი, 5. ლაშა ლომიძე, 6. ოთარ გიორგაძე, 7. გიორგი ცუცქირიძე, 8. ბექა გორგაძე.
16. შალვა მამუკაშვილი, 17. გურამ გოგიჩაშვილი, 18. ბექა გიგაშვილი, 19. შალვა სუთიაშვილი, 20. ბექა ბიწაძე, 21. გელა აფრასიძე, 22. ჯაბა მალაღურაძე, 23. ანზორ სიჭინავა

3 ლელო: ლობჟანიძე, გიორგაძე, აფრასიძე.
3 გარდასახვა: აბჟანდაძე (3)
2 ჯარიმა: აბჟანდაძე (2)

სამოა: 15. აუსი ტუალა, 14. ედ ფიდოუ, 13. რეი ლილო, 12. ალაპატი ლეიუა, 11. ჯეი ჯეი ტუალანგი, 10. ტუსი პისი, 9. დევიდ პოლატაივაო. 1. ლონგოვიჰი მულიპოლა, 2. მოტუ მატუჰუ, 3. პოლ ალოემილე, 4. ქეინ ლუაუპეპე, 5. ფილო პაულო, 6. პიულა ფაჰასალელე, 7. ჯეკ ლემი, 8. ჯოშ ტაირელი
16. მანუ ლეიატუა, 17. ჯორდან ლეი, 18. ჯეიმზ ლუი, 19. მეთ ლუამანუ, 20. ფაიფილი ლევავე, 21. პელე კაული, 22.დანჯელო ლაუიო

3 ლელო: ფიდოუ, პაულო, ტუალა
2 გარდასახვა: პისი

საქართველოს ეროვნული ნაკრები მორიგ შეხვედრას 24 ნოემბერს, “მიხეილ მესხის” სტადიონზე ჩაატარებს.
“ბორჯღალოსანთა” მეტოქე ტონგას ნაკრები იქნება.

0 კომენტარი
0

მსგავსი პუბლიკაციები

დატოვეთ კომენტარი