მთავარი საქართველოეროვნული ნაკრები მილტონ ჰეიგი: ,, საქართველოს ნაკრების ბიჭებმა სიმამაცე გამოამჟღავნეს”

მილტონ ჰეიგი: ,, საქართველოს ნაკრების ბიჭებმა სიმამაცე გამოამჟღავნეს”

ავტორი კახა მიხანაშვილი
210 ნახვა

საქართველოს ეროვნული ნაკრების მთავარი მწვრთნელი მილტონ ჰეიგი სამოასთან მატჩის შემდეგ  გამართულ პრესკონფერენციაზე მთელი გუნდის თამაშით კმაყოფილი იყო.  მან განსაკუთრებით ხაზი დებიუტანტების თამაშს გაუსვა.

“ბორჯაღალოსანთა” თავკაცი აცხადებს, რომ ბიჭებმა სამოასთან მატჩში სიმამაცე გამოაჟღავნეს.

მილტონ ჰეიგი: ,,ბედნიერები ვართ.  აღსანიშნავია, რომ სამი დებიუტანტი გვყავდა, ზოგადად ახალგაზრდული გუნდით ვითამაშეთ და ასეთ პირობებში მსგავსი თამაშის მოგება ორმაგად სასიხარულოა. ამ ბიჭებმა გამოამჟღავნეს სიმამაცე, ხასიათი და გვანახეს, რომ შეუძლიათ მეორე ტაიმში დაბრუნება და მატჩის მოგება. ძალიან კარგები იყვნენ დებიუტანტები, განსაკუთრებით თუ მათ ასაკს გავითვალისწინებთ.

მეტოქის გუნდში ძალიან კარგი 15 მორაგბე თამაშობდა, რომელთაც ჩვენზე არანაკლებ უნდოდათ მოგება. პირველ ტაიმში რამდენიმე ბოჭვა გაგვიცუდდა, მეტოქემ მოახერხა ჩვენი წნეხში მოქვეცა, რაც პოლინეზიურ გუნდებს ჩვევიათ. შესვენებაზე სწორედ ამაზე ვისაუბრეთ, შეცდომები გამოვასწორეთ და დაღლილ მეტოქეს შეცდომების დაშვება ვაიძულეთ.

ყოველთვის მნიშვნელოვანია ის 23 მოთამაშე, რომლებიც სამატჩო განაცხადში არიან. შეცვლაზე შესულმა ბიჭებმა თამაშის მსვლელობა შეცვალეს, მაგრამ არ უნდა დაგვავიწყდეს, რომ სასტარტო 15-ში მყოფმა მორაგბეებმა დაღალეს მეტოქე, რასაც ახლების ენთუზიაზმი დაემატა და ამან სასურველ შედეგამდე მიგვიყვანა“. – განაცხადა მატჩის შემდეგ გამართულ პრესკონფერენციაზე საქართველოს ეროვნული ნაკრების მთავარმა მწვრთნელმა.

საქართველოს რაგბის ეროვნულმა ნაკრებმა თბილისში “ავჭალის” სტადიონზე დრამატულ ორთაბრძოლაშ სამოას 27-19 მოუგო.

წყარო: საქართველოს რაგბის კავშირი

0 კომენტარი
0

მსგავსი პუბლიკაციები

დატოვეთ კომენტარი