მთავარი მსოფლიოევროლიგა “ბასკონია” მილანში დამარცხდა – იტალიაში მეტ ჯენინგმა გაიბრწყინა

“ბასკონია” მილანში დამარცხდა – იტალიაში მეტ ჯენინგმა გაიბრწყინა

ავტორი კახა მიხანაშვილი
36 ნახვა

ევროლიგის მე-8 ტურის შეხვედრაში თორნიკე შენგელიასა და მეტ ჯენინგის “ბასკონიამ” გასვლაზე მილანის “ოლიმპიასთან” დრამატულ ორთაბრძოლაში 90:93 დამარცხდა.

საქართველოს ეროვნული ნაკრების ნატურალიზებულმა კალათბურთელმა მეტ ჯენინგმა შესანიშნავად ითამაშა და ესპანურ კლუბს 18 ქულა მოუტანა.  მან ასევე  5 მოხსნა და 1 ჩაჭრა მიითვალა.  ყველაფერ ამისთვის მას  28:53 წუთი დასჭირდა.

ჯენინგის სარგებლიანობის კოეფიციენტმა 19 შეადგინა. იგი ამ მაჩვენებლით საკუთარი გუნდიდან მე-2 იყო.

რაც შეეხება თორნიკე შენგელიას.  ქართველი კალათბურთელი გუნდის ძირითად ხუთეულში იყო და  27:50 წუთი ითამაშა.   ჩვენებურმა ამ დროის განმავლობაში 8 ქულა, 5 მოხსნა და 1 პასი დააგროვა.

“ბასკონიადან” გამორჩეული თამაში ფრანგმა  ვინსენ პუარემ ჩაატარა.  “ბასკონიას” ცენტრმა 18 ქულა და 10 მოხსნა შესძინა.

მილანელთაგან სერბმა ვლადიმირ მიცოვმა 22 ქულა მოიპოვა.  მისმა თანაგუნდელმა ამერიკელმა მაიკ ჯეიმსმა 20 ქულა ჩააგდო.

“ბასკონია” ევროლიგაში განვლილი 8 ტურის შემდეგ 2 მოგებითა და 6 მარცხით მე-12 ადგილზე იმყოფება.

თორნიკე შენგელიას და მეტ ჯენინგის გუნდი ევროტურნირზე მორიგ შეხვედრას შინ, ბერძნულ “პანათინაიკოსთან” ჩაატარებს.

მატჩი 23 ნოემბერს, გაიმართება.

 

 

0 კომენტარი
0

მსგავსი პუბლიკაციები

დატოვეთ კომენტარი