მთავარი მთავარი ტოჩინოშინს კაჩი-კოშიმდე ერთი ნაბიჯი აშორებს – გაგამარუ ჯურიოში დაბრუნდა

ტოჩინოშინს კაჩი-კოშიმდე ერთი ნაბიჯი აშორებს – გაგამარუ ჯურიოში დაბრუნდა

ავტორი კახა მიხანაშვილი
153 ნახვა

იაპონიის ქალაქ ფუკუოკაში კიუშუ ბაშოზე რიგით მე-13 დღის ბრძოლები გაიმართა.

ქართველმა ოძეკმა ლევან გორგაძემ მე-7 გამარჯვება იზეიმა და კაჩი-კოშის ანუ დადებითი ბალანსის დაფიქსირებამდე ერთი მოგება აშორებს.

ქართველმა მებრძოლმა აღმოსავლეთის მე-6 მაეგაშირა მონღოლი ტაკანოივა დაამარცხა.

ლევანმა მოწინააღმდეგე ლამაზი გდებით დოჰიოზე გააგორა. თუმცა მსაჯებმა იორიტაოშის ნაცვლად კოშიკუდაკეს ილეთი დაინახეს.

კოშიკუდაკე პასიური ილეთია და წონასწორობის დაკარგვის გამო რიკიშის უკან გადავარდნისას ფიქსირდება.
ასეა თუ ისეა ტოჩინოშინმა გაიმარჯვა და დარჩენილ 3 ბრძოლიდან თუ ერთს, მაინც თავის სააარგებლოდ დაასრულებს კაჩი-კოშის გაინაღდებს.

ხვალ ლევან გორგაძის მეტოქე კომოსუბი მიკატეუმი იქნება.

კიუშუ ბაშოს კი 12 მოგებით კომოსუბი ტაკაკეიშო ლიდერობს.
მას კვალში 11 მოგებით ოძეკი ტაკაიასუ მიყვება.

გაგამარუს შიკონათი მოასპარეზე თეიმურაზ ჯუღელმა მაკუშიტა დივიზიონში ბაშო წარმატებით ჩაატარა და რანგით მაღალ ჯურიოს დივიზიონში დაბრუნდა.

ქართველმა 8 ბრძოლიდან 5-ის თავის სასარგებლოდ დასრულება მოახერხა და კაჩი-კოში გაიფორმა.

0 კომენტარი
0

მსგავსი პუბლიკაციები

დატოვეთ კომენტარი