მთავარი მთავარი “ჭადრაკის დედოფალი” ნონა გაფრინდაშვილი მსოფლიოს ჩემპიონია

“ჭადრაკის დედოფალი” ნონა გაფრინდაშვილი მსოფლიოს ჩემპიონია

ავტორი კახა მიხანაშვილი
2525 ნახვა

ლეგენდარულმა  ქართველმა მოჭადრაკემ ნონა გაფრინდაშვილმა +65 წლის ქალ ვეტერან მოჭადრაკეთა შორის მსოფლიო ჩემპიონის წოდება მოიპოვა.

სლოვენიის ქალაქ ბლედში მიმდინარე საჭადრაკო ტურნირზე ბოლო ტურის შეხვედრაში გაფრინდაშვილმა ინგლისელი  დინაჰ ნორმანი დაამარცხა.

“ჭადრაკის დედოფალმა”  მოწინააღმდეგე იძულებული გახადა 74-ე სვლაზე დანებებულიყო.

ნონა გაფრინდაშვილმა მსოფლიოს პირველობა წაუგებლად დაასრულა. მან 11 პარტიიდან 6 მოიგო, ხოლო 5 ბრძოლაში კი მეტოქეებთან  ყაიმზე შეთანხმდა.

ნონა გაფრინდაშვილი ვეტერანთა შორის მსოფლიო ჩემპიონი მეექვსედ გახდა.

ქართველი მოჭადრაკე ყველაზე ასაკოვანია მათ შორის, ვისაც ვეტერანების მსოფლიოს ჩემპიონატზე გაუმარჯვია. ამჟამად ყველა დროის ერთ-ერთი საუკეთესო სპორტსმენი 77 წლის გახლავთ.

მსოფლიოს პირველობაზე  +50 წლის ვეტერან მოჭადრაკეთა შორის ქართველმა  გიორგი ბაღათუროვმა მეორე, ხოლო ზურაბ სტურუამ მესამე ადგილი დაიკავა.

1 კომენტარი
3

მსგავსი პუბლიკაციები

1 კომენტარი

მალინა პერტია 30/11/2018 - 08:07

ყოჩაღ ნონა, გილოცავ გამარჯვებას……გისურვებ ჯამრთელობას და ხანგრძლივ სიცოცხლეს…..გფარავდეს უფალი

Reply

დატოვეთ კომენტარი