მთავარი მსოფლიოევროლიგა მეტ ჯენინგის საუკეთესო მატჩი ევროლიგაზე

მეტ ჯენინგის საუკეთესო მატჩი ევროლიგაზე

ავტორი კახა მიხანაშვილი
63 ნახვა

საკალათბურთო ევროლიგის მე-10 ტურის შეხვედრაში თორნიკე შენგელიასა და მეტ ჯენინგის “ბასკონიამ”  გასვლაზე თურქეთში “ეფესთან” 85-96 წააგო.

თორნიკე შენგელია სასტარტო ხუთეულში იყო და ჯამში 19:00 წუთი ითმაშა. ამჯერად ქართველმა კალათბურთელმა მოკრძალებულად მხოლოდ 6 ქულა მოიპოვა.

სამაგიეროდ  საქართველოს ნაკრების კალათბურთელმა მეტ ჯენინგმა  შესანიშნავი მატჩი ჩაატარა. მან 32:11 წუთში  20 ქულა მოაგროვა.  ჯენინგის სარგებლიანობის კოეფიციენტმა 18 შეადგინა, რაც ორივე გუნდიდან საუკეთესო მაჩვენებელი გახლავთ.

წლევანდელ ევროლიგაზე ეს ჯენინგის საუკეთესო მატჩი იყო.

“ბასკონიადან” მატჩში 15-15 ქულა ამერიკელმა დარუნ ჰილარდმა და  გერმანელმა იოჰანეს ვოიგტმანმა დააგროვეს.

გამარჯვებული გუნდიდან სერბი  ვასილიე მიჩიჩი გამოირჩა. მან 16 ქულა ჩააგდო.  

ამ მარცხის შემდეგ ვიტორიულ კლუბს 3 მოგება და 7 წაგება აქვს.  ევროლიგის სატურნირო ცხრილში კი მე-12 ადგილს იკავებს.

თორნიკე შენგელიასა და მეტ ჯენინგის გუნდი მორიგ მატჩს ევროლიგის ერთ-ერთ ლიდერ მ,ოსკოვის “ცსკასთან” 7 დეკემბერს ჩაატარებს.

 

0 კომენტარი
0

მსგავსი პუბლიკაციები

დატოვეთ კომენტარი