მთავარი საქართველოლეგიონერები არნემში გურამ კაშიას სახელობის პარკი გაიხსნა

არნემში გურამ კაშიას სახელობის პარკი გაიხსნა

ავტორი კახა მიხანაშვილი
76 ნახვა

საქართველოს ეროვნული ნაკრების ფეხბურთელი გურამ კაშია არნემის “ვიტესს” ოფიციალურად დაემშვიდობა.

“ვიტესისა” და “ემენის” მატჩის შესვენებაზე კაშიას გუნდის ხელმძღვანელებმა და გულშემატკივრებმა საზეიმო გაცილების ცერემონიალი მოუწყვეს.

გაცილების ცერემონიალზე გურამ კაშიამ ემოციური განცხადება გააკეთა.

გურამ კაშია: “თქვენს მიმართ მადლიერების გამომხატველ სიტყვებს ვერ ვპოულობ. ჰოლანდია ჩემი მეორე სახლია.  აქ ჩემი ცხოვრების უმნიშვნელოცანესი პერიოდი გავატარე. ჰოლანდიაში გატარებული თითოეული წუთი ჩემთვის ფანრასტიური იყო. ჰოლანდიელი ხალხისგან ბევრი კარგი რამ ვისწავლე. “ვიტესი” და მისი ქომაგები ჩემს გულში ყოველთვის დარჩება. ჩემთვის ეს გუნდი ნონერ პირველი იქნება.   მადლობა  ყველას მხარდაჭერისთვის და გულშემატკივრობისთვის. მე “ვიტესიდან” წავედი, მაგრამ სადაც არ უნდა ვიყო ამ გუნდის ერთერთი ქომაგი ვიქნები.” -განაცხადა გურამ კაშიამ.

არნემის მუნიციპალიტეტის  გადაწყვეტილებით ქალაქის ერთ-ერთ გამორჩეულ ზონსბეეკის პარკის ნაწილს, იქ სადაც ირმები ბინადრობენ გურამ კაშიას სახელი ეწოდა.

გურამ კაშია არნემის “ვიტესში” 2010-დან 2018-მდე თამაშობდა. მან გუნდის ღირსება ჯამში 244 მატჩში დაიცვა და 20 გოლი გაიტანა.

კაშიამ გუნდთან ერთად ჰოლანდიის თასი მოიპოვა. გურამი ბოლო წლებში “ვიტესის” უცვლელი კაპიტანი იყო.

 

0 კომენტარი
0

მსგავსი პუბლიკაციები

დატოვეთ კომენტარი