მთავარი მსოფლიოესპანეთი ლუკა მოდრიჩმა ოქროს ბურთი მოიპოვა

ლუკა მოდრიჩმა ოქროს ბურთი მოიპოვა

ავტორი კახა მიხანაშვილი
47 ნახვა

ხორვატიიის ნაკრებისა და მადრიდის “რეალის”  33 წლის ფეხბურთელი ლუკა მოდრიჩი France Football-ის გამოკითხვით წლის საუკეთესო ფეხბურთელი გახდა.

მოდრიჩი პირველი ხორვატი ფეხბურთელია, რომელმაც “ოქროს ბურთი” აიღო.   ლუკამ ამ შედეგით პორტუგალიელი და არგებნტინელი სუპერვარსკვლავების კრისტიანუ რონალდუს და ლიონელ მესის ჰეგემონია დაამხო.  2008 წლიდან მოყოლებული რონალდუმ და მესიმ ოქროს ბურთი 5-5-ჯერ დაისაკუთრეს.

2018 წელი მოდრიჩისთვის საუკეთესო აღმოჩნდა. ხორვატმა ჩემპიონთა ლიგა მოიგო და მსოფლიოს ჩემპიონატის ფინალში გავიდა.

ლუკა მოდრიჩისთვის ეს მე-3 ინდივიდუალური ჯილდოა.  მან წელს ჩემპიონთა ლიგის გასული სეზონის საუკეთესო ფეხბურთელიც პრიზიც მოიგო და ასევე ფიფას ვერსიით წლის საუკეთესო ფეხბურთელიც გახდა.

რაც შეეხება გასული წლის ტრიუმფატორ კრისტიანუ რონალდუს, ის წელს მე-2 ადგილს დასჯერდა.  ლიონელ მესი კი მე-5 პოზიციაზე აღმოჩნდა.

აქვე იხილეთ საუკეთესო ფეხბურთელების ჩამონათვალი:

1. ლუკა მოდრიჩი („რეალი“,ხორვატია) – 753 ქულა

2. კრიშტიანუ რონალდუ („იუვენტუსი“, პორტუგალია) – 476

3. ანტუან გრიზმანი („ატლეტიკო“, საფრანგეთი) – 414

4. კილიან მბაპე (პსჟ, საფრანგეთი) – 347

5. ლიონელ მესი („ბარსელონა“, არგენტინა) – 280

6. მოჰამედ სალაჰი („ლივერპული“, ინგლისი) – 188

7. რაფაელ ვარანი („რეალი“, საფრანგეთი) – 121

8. ედენ აზარი („ჩელსი“, ბელგია) – 119

9. კევინ დე ბრუინი („სიტი“, ბელგია) – 29

10. ჰარი კეინი („ტოტენჰემი“, ინგლისი) – 25

11. ნგოლო კანტე („ჩელსი“, საფრანგეთი) – 24

12. ნეიმარი (პსჟ, ბრაზილია) – 19

13. ლუის სუარესი („ბარსელონა“, ურუგვაი) – 17

14. ტიბო კურტუა („რეალი“, ბელგია) – 12

15. პოლ პოგბა („მანჩესტერი“, საფრანგეთი) – 9

16. სერხიო აგუერო („სიტი“, არგენტინა) – 7

17-18. გარეთ ბეილი („რეალი“, უელსი) – 6

17-18. კარიმ ბენზემა („რეალი“, საფრანგეთი) – 6

19-21. რობერტო ფირმინო („ლივერპული“, ბრაზილია) – 4

19-21. ივან რაკიტიჩი (‘ბარსელონა“, ხორვატია) – 4

19-21. სერხიო რამოსი („რეალი“, ესპანეთი) – 4

22-24. ედინსონ კავანი (პსჟ, ურუგვაი) – 3

22-24. სადიო მანე („ლივერპული“, სენეგალი) – 3

22-24. მარსელო („რეალი“, ბრაზილია) – 3

25-27. ალისონი („ლივერპული“, ბრაზილია) – 2

25-27. იან ობლაკი („ატლეტიკო“, სლოვენია) – 2

25-27. მარიო მანჯუკიჩი („იუვენტუსი“, ხორვატია) – 2

28. დიეგო გოდინი („ატლეტიკო“, ურუგვაი) – 1

29-30. ისკო („რეალი“, ესპანეთი) – 0

29-30. უგო ლორისი („ტოტენჰემი“, საფრანგეთი) – 0
33 წლის ლუკა მოდრიჩი 1985 წლის 9 სექტემბერს,  ხორვატიის (იმ დროიინდელ იუგოსლავიაში)  ქალაქ ზადარში დაიბადა.

პროფესიონალური საფეხბურთო კარიერა 2003 წელს ზაგრების “დინამოში” დაიწყო.   მან ამ გუნდშო 2008 წლამდე ითამაშა. თუმცა 2-ჯერ 2003–2004  და  2004–2005 წლებში ხორატულ გუნდებში “ზლინსკში” და  ზაპრესიჩის “ინტერში” იყო განათხოვრებული.

2008 წელს კი ლონდონს მიაშურა და “ტოტენჰემ ჰოსპურის” რიგებში აღმოჩნდა.   “მამლების” შემადგენლობაში ლუკამ 4 წელი (2008–2012) გაატარა.   ლონდონელთა შემადგენლლობაში მოდრიჩმა 127 მატჩში 13 გოლი გაიტანა.

ლუკა მოდრიჩი 2012 წლიდან დღემდე მადრიდის “რეალის” ღირსებას იცავს. ამ დროის განმავლობაში ხორვატმა “სამეფო კლუბში” 180 შეხვედრა ჩაატარა და თავი გატანილი გოლით 9-ჯერ გამოიჩინა.

მოდრიჩს ხორვატიის ყველა ასაკობრივ ნაკრებში აქვს ნათამაშები. ეროვნულ ნაკრებში კი 2006 წლიდან გამოდის.  ლუკამ ხორვატიის ნაკრების მაისური დღემდე 118 შეხვედრაში მოირგო და მეტოქის კარი 14-ჯერ აიღო.

ტიტულები
მსოფლიოს ვიცეჩემპიონი (1): 2018
ჩემპიონთა ლიგა (4):   2013–14, 2015–16, 2016–17, 2017–18 – “რეალი”
უეფას სუოპერთასი (3): 2014, 2016, 2017 – “რეალი”
მსოფლიოს საკლუბო ჩემპიონატი (3): 2014, 2016, 2017 – “რეალი”
ესპანეთის ჩემპიონი (1): 2016–17 – “რეალი”
ესპანეთის სამეფო თასი (1): 2013–14 – “რეალი”
ესპანეთის სუპერთასი (2): 2012, 2017 – “რეალი”
ხორვატიის ჩემპიონი (3): 2005–06, 2006–07, 2007–08 – “დონამო” (ზ)
ხორვატიის თასი (2): 2006–07, 2007–08
ხორვატიის სუპერთასი (1): 2006

ინდივიდუალური ჯილდო
ოქროს ბურთი: 2018
ჩემპიონთა ლიგის სეზონის საუკეთესო ფეხბურთელი: 2018
ფიფას ვერსიით წლის საუკეთესო ფეხბურთელი: 2018

0 კომენტარი
0

მსგავსი პუბლიკაციები

დატოვეთ კომენტარი