მთავარი საქართველოეროვნული ნაკრები გიორგი ჩაკვეტაძე, გოგა ბითაძე, თედო აბჟანდაძე – უნიჭიერესი ახალგაზრდა ქართველი ტალანტები, რომლებმაც მსოფლიო აალაპარაკეს

გიორგი ჩაკვეტაძე, გოგა ბითაძე, თედო აბჟანდაძე – უნიჭიერესი ახალგაზრდა ქართველი ტალანტები, რომლებმაც მსოფლიო აალაპარაკეს

ავტორი კახა მიხანაშვილი
419 ნახვა

2018 წელს საქართველოს სხვადასხვა სპორტულ სახეობებში არაერთი ახალგაზრდა ტალანტი გამოჩნდა. მათ მსოფლიო თავისი შესანიშნავი თამაშიც აღაფრთოვანეს.

ამჯერად თქვენს ყურადღებას 3 ქართველ 19 წლის ამომავალ ვარსკვლავზე გავამახვილებთ, რომლებმაც 2018 წელი ბრწყინვალედ ჩაატარეს და საქართველოს ეროვნული ნაკრების ერთ-ერთი ლიდერები გახდნენ.

გიორგი ჩაკვეტაძე, გოგა ბითაძე და თედო ამჟანდაძე სამივე 19 წლის გახლავთ და სამივემ ეროვნულ ნაკრებში ადგილი 2018 წელს დაიმკვიდრა.

აღსანიშნავია, რომ სამივე თინეიჯერი სპორტსმენი საქართველოს ეროვნული გუნდი ლიდერი სულ ცოტა ხანში გახდა. მათ შესახებ ევროპული პრესა ხშირად წერს.

საქართველოს ნაკრების ფეხბურთელი გიორგი ჩაკვეტაძე 1999 წლის 29 აგვისტოს თბილისში დაიბადა. იგი თბილისის “დინამოს” აკადემიის აღზდილია. საქართველოს ყველაზე ტიტულოვან გუნდში ჩაკვეტაძე 2016-2017 წლებში გამოდიოდა. მან “დინამოში” 29 მატჩი ჩაატარა და 5 გოლი გაიტანა.
2017 წელს კი ბელგიურ “გენტში” აღმოჩნდა. ბენელუქსურ კლუბში გიორგის ამ დროისთვის 25 მატჩში 5 გოლი აქვს გატანილი.

საქართველოს ეროვნული ნაკრების ფეხბურთელი გიორგი ჩაკვეტაძე წელს გუნდის ლიდერად იქცა.  ერთა ლიგაზე მან 4 გოლი გაიტანა და ბომბარდირთა დავაში  D  ლიგაში მხოლოდ 2 ფეხბურთელს ჩამორჩა. გიორგიმ ორი საგოლე პასიც მიითვალა.
სულ კი ქართველ ფეხბურთელს ნაკრების მაისურით 7 შეხვედრა აქვს გამართული. მან გატანილი გოლით თავი 5-ჯერ გამოიჩინა.

გავცელებული ინფორმაციის თანახმად ქართველი ტალანტით არაერთი უმაღლესი დონის გუნდია დაინტერესებული. მისი თამაშის სანახავად ეროვნული ნაკრების მატჩს კატალონიური “ბარსელონას” სკაუტებიც დაეწრნენ.

გიორგი ჩაკვეტაძე-ის სურათის შედეგი

საქართველოს ეროვნული ნაკრების კალათბურთელი გოგა ბითაძე 1999 წლის 20 ივლისს თბილისში დაიბადა.

ქართველი ტალანტი თბილისის “ვითაში” 2015 წელს თამაშობდა.  შემდეგ კი სერბეთს მიაშურა და “მეგა ბიმაქსის” გუნდში ჩაირიცხა.

სერბული კლუბის ახალგაზრდულ გუნდში ქართველმა ცენტრმა გამორჩეული სეზონი ჩაატარა და წელს კლუბის ძირითად შემადგენლობაში დამკვირდდა.

გოგა ბითაძე წლევანდელ სეზონს შესანიშნავად ატარებს.  მან ადრიატიკის ლიგაზე არაერთი გამორჩეული შეხვედრა ჩაატარა და  მატჩი MVP არაერთხელ გახდა.

საქართველოს ეროვნულ ნაკრებში ბითაძემ 2018 წელს მსოფლიოს ჩემპიონატის შესარჩევ ტურნირში 8 შეხვედრა  ჩაატარა და ჯამში 105 ქულა მოიპოვა.

ბითაძემ ყველაზე კარგი მატჩი ესტონეთის წინააღმდეგ გამართა.  მან ბალტიისპირელებთან დაპირისპირებაში 19 ქულა და 11 მოხსნა მიითვალა.

შესანიშნავი შედეგებით გათვალისწინებით კალათბურთის სპეციალისტები ვარაუდობენ, რომ მომავალ წელს გოგა ბითაძე NBA-ს დრაფტზე დადგება.

goga bitadze georgia-ის სურათის შედეგი

საქართველოს ეროვნული ნაკრების მორაგბე თედო აბჟანდაძე 1999 წლის 13 ივნისს ქალაქ ქუთაისში დაიბადა.

რაგბის თამაში ადგილობრივ კლუბ “აიაში” დაიწყო.   17 წლის ასაკში აბჟანდაძე იმერული კლუბის ძირითადში მოხვდა.

შემდეგ კი საქართველოს 20-წლამდელთა  ნაკრების წევრიც გახდა.  თედომ ახლაგაზრდულ მსოფლიოს ჩემპიონატზე გაიბრწყინა და სპეციალისტთა ყურადღებაც ამ ტურნირის შემდეგ მიიპყრო.

თედო აბჟანდაძის ეროვნული ნაკრებში ნათლობა 17 ნოემბერს, შედგა.  სამოასთან სადებიუტო მატჩში ქართველმა მგეზავმა 12 ქულა მოიპოვა. თინეიჯერმა მორაგბემ 3 გარდასახვა და 2 ჯარიმა გაიტანა.

ერთი კვირის თავზე კი აბჟანდაძემ ეროვნული ნაკრების კვართი მეორედ მოირგო.  თედომ თავი კარგი თამაშით ამჯერადაც დაგვამახსოვრა და ტონგელების წინააღმდეგ 10 ქულა დააგროვა.  აბჟანდაძემ 2 გარდასახვა და 2 ჯარიმა ზუსტად შეასრულა.

თედოს ტალანტს შემხედვარე დიდი ეჭვი არსებობს, რომ მას სულ მალე რომელიმე ძლიერ ევროპულ კლუბში წაიყვანენ.

დაკავშირებული სურათი

 

 

 

0 კომენტარი
0

მსგავსი პუბლიკაციები

დატოვეთ კომენტარი