მთავარი საქართველოეროვნული ლიგა თბილისის “დინამომ” ვიცეჩემპიონობა გაინაღდა – ფოთის “კოლხეთი” ეროვნულ ლიგა 1-ს დაემშვიდობა

თბილისის “დინამომ” ვიცეჩემპიონობა გაინაღდა – ფოთის “კოლხეთი” ეროვნულ ლიგა 1-ს დაემშვიდობა

ავტორი კახა მიხანაშვილი
46 ნახვა

ეროვნული ლიგის 35-ე ტურის შეხვედრაში თბილისის “დინამომ” ფოთში “კოლხეთი” 2-0 დაამარცხა და ვიცეჩემპიონობა გაინაღდა.   მეგრული გუნდი კი ლიგა 2-ში ოფიციალურად დაქვეითდა.

საქართველოს ყველაზე ტიტულოვანმა გუნდმა ანგარიში მე-19 წუთზე გახსნა.  გოლი აკაკი შულაიას პასის შემდეგ ლევან შენგელიამ საჯარიმოს გარედან შორეული დარტყმით  გაიტანა.

78-ე წუთზე კი “დინამოს” ბომბარდირმა ბუდუ ზივზივაძემ იხეირა.   მან აკაკი შულაის საჯარიმოში ჩაწოდებული ბურთი მეგრელების კარში თავური დარტყმით გადაგზავნა.

ბუდუ ზივზივაძისთვის ეს გოლი წლევანდელ ეროვნულ ლიგაში 21-ე აღმოჩნდა და ბომბარდირთა დავაში პირველ ადგილზე გადავიდა.

“დინამომ”  ამ გამარჯვების შემდეგ 69 ქულა მოაგროვა და უშუალო კონკურენტ ქუთაისის “ტორპედოსთვის” მიუწვდომელი გახდა.  მართალია იმერლებმა ბოლოსწინა ტურის მატჩი მოიგეს და 66 ქულა გააჩნიათ, თუმცა ეროვნულ ლიგაში უპირატესობა ურთიერთშეხვედრებს ენიჭება.  აქ კი მცირე უპირატესობას თბილისელები ფლობენ.

წელს “დინამოსა” და “ტორპედოს” 4 გამართული მატჩიდან 2 ფრედ დასრულდა.  “დინამომ” “ტორპედოს” ერთი თამაში 2:0 მოუგო, ერთი კი 0:1 წააგო.

თბილისის “საბურთალომ” კი საქართველოს ჩემპიონის ტიტული ჩემპიონატის დასრულებამდე 3 ტურით ადრე მოიპოვა და “ჩიხურასთან” მატჩს ჩემპიონის რანგში შეხვდა.

“საბურთალოს” ფეხბურთელები საქართველოს ფეხბურთის ფედერაციის პრეზიდენტმა ლევან კობიაშვილმა ჩემპიიონის ოქროს მედლებით დააჯილდოვა.

“საბურთალო” (თბილისი)  0:0 “ჩიხურა” (საჩხერე) 

“დილა” (გორი)  4:0 “ლოკომოტივი”  (თბილისი)
43′ მიკოლა კოვტალიუკი (1-0), 75′ ლევან ნონიკაშვილი (2-0), 89′ მიკოლა კოვტალიუკი პენ. (3-0), 90+3′
დავით რაჟამაშვილი (4-0)

“სიონი“ (ბოლნისი) 0:3   „ტორპედო“ (ქუთაისი)
35′ მილოშ ლაჩნი (0-1), 65′ თენგიზ წიქარიძე (0-2),  84′ გიორგი ქიმაძე  (0-3)

“რუსთავი” 3:0 “სამტრედია”
14′ ხვიჩა კვარაცხელია (1-0), 67′ ბექა ქავთარაძე (2-0), 74′ ოთარ მარცვალაძე (3-0)

“კოლხეთი”  (ფოთი) 0:2  “დინამო” (თბილისი)

19′  ლევან შენგელია (0-1), 78′ ბუდუ ზივზივაძე (0-2)

“კოლხეთი”: მიქავა, კერელეიშვილი, ძაძამია, დოროშენკო, აფხაზავა, აშორტია (66′ მახარაძე), კაბორე, იმნაძე, შალიკაშვილი (46′ კოკაია), პრიჩინენკო (38’ციკოლია), ტყემალაძე

“დინამო”: სიკაჩი, ძოწენიძე, თოთაძე, კობოური, რუხაია (80′ ივანიშვილი), ხარაბაძე, ივანისენია, ზარია (73′ ქარდავა), შენგელია (85’კუცია), შულაია, ზივზივაძე

მსაჯი:  პ. მაჭარაძე

სატურნირო ცხრილი ბოლო ტურის წინ ასეთია:

1. საბურთალო საბურთალო 35 23 7 5 60 28 32 76
2. დინამო თბ დინამო თბ 35 21 6 8 72 36 36 69
3. ტორპედო ტორპედო 35 19 9 7 62 25 37 66
4. ჩიხურა ჩიხურა 35 18 7 10 52 32 20 61
5. დილა დილა 35 16 12 7 58 39 19 60
6. ლოკომოტივი ლოკომოტივი 35 11 8 16 42 55 -13 41
7. რუსთავი რუსთავი 35 8 13 14 33 43 -10 37
8. სიონი სიონი 35 8 7 20 38 63 -25 31
9. სამტრედია სამტრედია 35 4 9 22 27 77 -50 21
10. კოლხეთი 1913 კოლხეთი 1913 35 4 8 23 26 72 -46 14

ბომბარდირთა დავა

  1. ბუდუ ზივზივაძე  “დინამო”  –  21
  2. გიორგი გაბედავა “ჩიხურა” – 20
  3. მიკოლა კოვტალიუკი “დილა” – 18

ბოლო ტურის კალენდარი
შაბათი, 8 დეკემბერი
14 საათი
“ჩიხურა” (საჩხერე) : “სიონი” (ბოლნისი)
“სამტრედია” : “საბურთალო” (თბილისი) 
“დინამო”  (თბილისი)  : ” დილა” (გორი)

18:00 საათი
“ლოკომოტივი”  (თბილისი) : “რუსთავი”

19:00 საათი
“ტორპედო” (ქუთაისი) : “კოლხეთი” (ფოთი)

ფოტო: fcdinamo.ge

0 კომენტარი
0

მსგავსი პუბლიკაციები

დატოვეთ კომენტარი