მთავარი მსოფლიოNBA სანდრო მამუკელაშვილის ორმაგი დუბლი და მატჩის MVP-ს წოდება ამერიკის სტუდენტურ ლიგაში

სანდრო მამუკელაშვილის ორმაგი დუბლი და მატჩის MVP-ს წოდება ამერიკის სტუდენტურ ლიგაში

ავტორი კახა მიხანაშვილი
61 ნახვა

ქართველმა კალათბურთელმა სანდრო მამუკელაშვილმა ამერიკის სტუდენტურ ლიგაში შესანიშნავი მატჩი ჩაატარა.

ქართველი ფორვარდის “სეტონ ჰოლმა”  “ნიუ ჰემპშირთან” 77-57 მოიგო.

ამ მატჩის საუკეთესო მოთამაშე სანდრო მამუკელაშვილი გახდა.  ქართველმა კალათბურთელმა შეხვედრაში 30 წუთი ითამაშა და ამ დროის განმავლობაში გუნდს 14 ქულა, 11 მოხსნა, 3 პასი, 2 ჩაჭრა და 2 დაფარება მოუტანა.

მამუკელაშვილმა ამერიკის სტუდენტურ ლიგაში პირველი ორმაგი დუბლი შეასრულა.

სანდრო მატჩის MVP ასევე პირველად გახდა.

ამ გამარჯვების შემდეგ “სეტონ ჰოლს” სტუდენტურ ლიგაში  5 გამარჯვება და 3 მარცხი გააჩნია.

სანდრო მამუკაშვილის გუნდი   “ბიგ ისთის” კონფერენციაში ბოლოსწინა, მე-9 ადგილზე იმყოფება.

ახლა სტუდენტური ლიგის არასაკონფერენციო, თუმცა ოფიციალური მატჩები მიმდინარეობს, რომლის შედეგებიც გუნდებს ცხრილში ჩვეულებრივად ეთვლებათ. დეკემბერში უშუალოდ შიდა მატჩები დაიწყება და გუნდები თავიანთი კონფერენციის ყველა წევრს 2 წრედ, გასვლა-სახლის პრინციპით შეხვდებიან.

ამას  პლეი ოფის შეხვედრები მოყვება  და  კონფერენციის ჩემპიონები გამოვლინდებიან.

ბოლო აკორდი კი NCAA-ის ფინალური ჩემპიონატია, რომელშიც 32-ივე კონფერენციის გამარჯვებულს საუკეთესო რეიტინგის მქონე იმდენი გუნდი დაემატება, რომ 64-მდე შეივსოს და  დაიწყება ტურნირი, რომელსაც “მარტის სიგიჟეს” ეძახიან.

ამ ტურნირზე  სტუდენტური ლიგის რჩეული გუნდები პლეი ოფის სისტემით, ერთმატჩიანი რაუნდებით, 1/32 ფინალიდან  ამერიკაში NBA-ის შემდეგ ყველაზე პრესტიჟული საკალათბურთო ტიტულის – NCAA-ის ჩემპიონობისთვის ბრძოლას დაიწყებენ.

წყარო: საქართველოს კალათბურთის ფედერაცია

0 კომენტარი
0

მსგავსი პუბლიკაციები

დატოვეთ კომენტარი