მთავარი მსოფლიოNBA პირველად ქართული კალათბურთის ისტორიაში – 18 წლის ნატალია ოთხმეზური აშშ-ში ითამაშებს

პირველად ქართული კალათბურთის ისტორიაში – 18 წლის ნატალია ოთხმეზური აშშ-ში ითამაშებს

ავტორი კახა მიხანაშვილი
277 ნახვა

ქართული კალათბურთის  ახალი ისტორია დაიწერა.

ზაზა ფაჩულიას კალათბურთის აკადემიის აღზრდილი 18 წლის ნატალია ოთხმეზური  ქართული კალათბურთის ისტორიაში პირველი გოგოა, რომელმაც სრული სტიპენდია მოიპოვა და თამაშს აშშ-ში, კერძოდ  ვაიომინგის შტატში განაგრძობს.

ნატალია ზაზა ფაჩულიას კალათბურთის აკადემიაში ერთი თვის წინ მოვიდა. ნიჭიერი კალათბურთელი აკადემიაში მაშინვე შეამჩნიეს და მოლაპარაკებები სხვადასხვა კოლეჯთან დაიწყო. საბოლოოდ შეირჩა კასპერის კოლეჯი, რომელიც ძლიერი ქალთა კალათბურთის პროგრამით გამოირჩევა.

ახალ კოლეჯში სწავლას ნატალია აგვისტოდან დაიწყებს.

ნატალია ოთხმეზური : „ძალიან ბედნიერი ვარ. ჩემს ცხოვრებაში მსგავსი ფაქტი პირველად ხდება. ვეცდები მაქსიმუმი გავაკეთო.  ჩემი ოჯახი და საქართველო ვასახელო. მადლობას ვუხდი ზაზა ფაჩულიას კალათბურთის აკადემიას გვერდში დგომისთვის“.

გიორგი ალავიძე (ზაზა ფაჩულიას კალათბურთის აკადემიის დირექტორი) : „ ჩვენი აკადემია ყოველთვის მზადაა ახალგაზრდა, ნიჭიერ კალათბურთელებს თავიანთი შესაძლებლობების მაქსიმალურად რეალიზებაში ხელი შუწყოს“.

ლაშა ფარღალავა (ზაზა ფაჩულიას კალათბურთის აკადემიის სპორტული დირექტორი) : „ აკადემიაში მოსვლის დღიდან ნატალიას ნიჭი უყურადღებოდ არ დაგვიტოვებია. მის განვითარებაზე პასუხისმგებლობა ავიღეთ და შევუქმენით ყველანაირი პირობა, რომ სრულყოფილად ივარჯიშოს.“

Zaza Pachulia Basketball Academy-ს ფოტო.

Zaza Pachulia Basketball Academy-ს ფოტო.

Zaza Pachulia Basketball Academy-ს ფოტო.

წყარო:  Zaza Pachulia Basketball Academy

0 კომენტარი
0

მსგავსი პუბლიკაციები

დატოვეთ კომენტარი