მთავარი სხვა_კრივი როგორ შეძლებ აღდგომას, თუ ჯერ ფერფლად არ იქცევი?!

როგორ შეძლებ აღდგომას, თუ ჯერ ფერფლად არ იქცევი?!

67 ნახვა

“როგორ შეძლებ აღდგომას, თუ ჯერ ფერფლად არ იქცევი?!” – ზედმიწევნით კარგად უხდება ფრიდრიხ ნიცშეს ეს სიტყვები დღევანდელი მსოფლიო კრივის ერთ-ერთ გამორჩეულ მებრძოლს ტაისონ ფიურის, იგივე ბოშების მეფეს. მის შესახებ გამოცემები ბევრს წერენ. მისი დიდებული საქმენიც ცნობილია. არცაა გასაკვირი, შეიძლება მისი პრიოვნების მიმართ კარგი ან ცუდი დამოკიდებულება გქონდეს, მაგრამ მისი უბრალოების, გახსნილობის და ქარიზმის მიმართ დარჩე გულგრილი გამორიცხულია.

ისტორია 1988 წლის 12 აგვისტოს ირლანდიელი ბოშების ოჯახში დაიწყო, ან როგორც ისინი საკუთარ თავს უწოდებენ, ირლანდიელი მოგზაურების ოჯაში.

ინგლისში, ქალაქ მანჩესტერში ტაისონ ლიუკ ფიური დაიბადა. ძნელი წარმოსაგენია, მაგრამ დაბადებისას მომავალში 206 სანტიმეტრიანი გოლიათი 450 გრამს იწონიდა, ეს კი იმის გამო რომ სამყაროს დანიშნულზე 7 კვირით ადრე მოევლინა. ექიმები ვარაუდობდნენ, რომ ბიჭი ვერ გადარჩებოდა, მაგრამ ასე არ ფიქრობდა მამა, წარსულში ასევე მოკრივე ჯონ ფიური. თავის შვილში იგი უკვე მაშინვე ხედავდა მომავალ დიდ მოკრივეს.

საბედნიეროდ ტაისონი გადარჩა. რთული ბავშვობის მიუხედავად შეძლო და თავი აარიდა კრიმინალთან ურთერთობას – მოზარდობისას მუდამ პატიოსანი შრომით შოულობდა პურის ფულს.

არც თუ ისე ტიტულოვანი სამოყვარულო კარიერის შემდეგ, ტაისონმა პროფესიონალურ კრივში გადაბარგება გადაწყვიტა. 2008 წლის 6 დეკემებრს კი სადებიუტო შეხვედრაც გამართა – პირველივე რაუნდში ტექნიკური ნოკაუტით დაამარცხა ვინმე ბელა გიონგიუსი უნგრეთიდან.  უკვე 2009 წელს ტაისონი მძიმეწონაში ინგლისის ჩემპიონი გახდა, 2011-ში ბრიტანეთის, ხოლო 2014-ში ევროპის. საკრივო ოლიმპზე ბოშების მეფე 2015 წელს ავიდა, როცა საკუთარი კერპი ვლადიმირ კლიჩკო დაამარცხა და საჩემპიონო ქამრები – ასოციაციის, ორგანიზაციის, საერთაშორიო ორგანიზაციის, ფედერაციის და რინგის გააერთიანა. თუმცა როგორც სწაფად ავიდა დიდების მწვერვალზე, ისევე სწრავად ჩამოვიდა. წარმატებულ მოკრივეს, კარგ მეოჯახესა და მხიარულ ბიჭს დეპრესია დაეწყო. მიეძალა ალკოჰოლს და შეჯდა კოკაინზე. მალევე ჩემპიონს პირველი ქამარი წაართვეს – ფედერაციის. მომდევნო წელს კი თავისივე ნებით დათმო ასოციაციის და მსოფლიოსა და საერთაშორისო ორგანიზაციების ტიტულები. ამას მოჰყვა ჩავარდნილი დოპინგტესტი და ჩამორთმეული მოკრივის ლიცენზია. 27 წლის ბიჭი რომელიც დიუსელდორფის რინგზე დაფრინავდა 180 კილოგრამამდე გასუქდა და ყოველ საღამოს 10 ლიტრამდე ლუდს ვისკისა და არაყს უმატებდა.

“მე მქონდა ბავშვობის მიზანი, რომელსაც მივაღწიე – თითქოს ევერესტი დავიპყარი. შემდეგ კი არ ვიცოდი რა გამეკეთებინა. საბოლოოდ სპორტიდან წავედი. მივეძალე სასმელს, დავდიოდი სტრიპბარებში… მაგრამ შინაგანად მაინ ცარიელი ვიყავი”

სამმა გრძელდა წელიწადმა ამდაგვარად განვლო. უკიდურესად მძიმე ფსიქოლოგიური მდგომარეობის მიუხედავად ტაისონმა შეძლო და თავის ძველ და ერთგულ მეგობარს კრივს დაუბრუნდა. 70 კილოგრამი დაიკლო, დაიბრუნა ძველი სიმსუბუქე, მისი ენა კი კვლავაც გესლიანი გახდა. 2018 წლის ზაფხულში ფიური ისევ გავიდა რინგზე, ალაბელ სეფერ სეფერს დაუპირისპირდა. ბრძოლა მანჩესტერში გაიმართა. ექსჩემპიონს მხოლოდ 4 რაუნდი დასჭირდა მეტოქის დასამარცხებლად. ორ თვეში ალბანელის გზას იტალიელი ფრანჩესკო პიანეტაც გაუყენა, ოღონდ ამჯერად მსაჯთა გადაწყვეტილებით იმარჯვა.

და აი 1 დეკმებერს ბრიტანელს ოცნების ორთაბრძოლა მისცეს, საბჭოს ვერსიით დაუმარცხებელ ჩემპიონთან დეონტეი უაილდერთან. სატიტულო გარჩევა ლოს-ანჯელესურ სტეიფლს ცენტრში გაიმართა. ბოშების მეფემ შეუძლებელი შეძლო და მიხედავად იმისა, რომ რინგი საჩემპიონო ქამრის გარეშე დატოვა თამამად შეიძლევა ითქვას ჩამოთმული გვირგვინი დაიბრუნა. როგორც 30 წლის წინ 450 გრამიანმა ჩვილმა უარი თქვა სიკვდილზე, როგორც დეპრესიაში მყოფმა უარი თქვა ნარკოტიკებზე და სასმელზე, ახლაც უაილდერის მომკვდიებელი დატყმებისგან ორჯერ დაცემულმა უარო თქვა დანებებაზე და ორთავეჯერ წამოდგა. საბოლოოდ მსაჯმა რობერტ ტაპერმა ქულები ფიურის სასარგებლოდ დათვალა – 114:110, ალეხანდრო როკინიმ უპირატესობა უაილდერს მიანიჭა – 115:113, ფილ ედვარდსმა კი ფრე დააფიქსირა – 113:113.

ნაორთაბრძოლარს უქამრო ჩემპიონმა კითხვაზე თუ რაში აპირებდა ჰონორარის სახით მიღებული 8 მილიონი ფუნტი სტერლინგის დახარჯვას შემდეგი პასუხი გასცა:

“ფულს იმქვეყნად ვერ წავიღებ, ამიტომ მათ დავეხმარები, ვისაც ეს მართლა სჭირდება. ნაწილს ღარიბებს დავურიგებ, ნაწილით კი უსახლკაროებს საცხოვრებელ სახლებს, ხოლო ნარკოტიკზე და ალკოჰოლზე დამოკიდებული ადამიანებს სარეაბილიტაციო ცენტრს ავუშენებ”

ტაისონ ფიური უკვე 30 წლისაა, ბავშვური გასართობები უკან მოიტოვა… ის დიდი ბიჭია და დიდი მოკრივეა, თუმცა სურს დიადი გახდეს.

მიესალმეთ, ბოშების მეფე დიდ ავიაციაში დაბრუნდა.

0 კომენტარი
0

მსგავსი პუბლიკაციები

დატოვეთ კომენტარი