მთავარი მსოფლიოევროლიგა “რეალის” წარმატებული “სუპერ კლასიკო” – “სამეფო კლუბმა” “ბარსელონა” გაანადგურა

“რეალის” წარმატებული “სუპერ კლასიკო” – “სამეფო კლუბმა” “ბარსელონა” გაანადგურა

ავტორი კახა მიხანაშვილი
35 ნახვა

საკალათბურთო ევროლიგის მე-12 ტურის ცენტრალურ მატჩში ერთმანეთს მტერ-მეტოქეები “რეალი”  და “ბარსელონა” დაუპირისპირდნენ.

მადრიდში გამართული “სუპერ კლასიკო” მასპინძლებმა 27-ქულიანი სხვაობით 92:65 მოიგეს.

“ბარსელონას” ბედი მეორე მეოთხედში გადაწყდა, სადაც “რეალმა” 31-13 მოიგო.

დიდი შესვენების წინ ანგარიში “სამეფო კლუბის” სასარგებლოდ 53-30 დაფიქსირდა.

მადრიდელებმა კატალონიური გუნდი არც დარჩენილ დროში დაინდეს და პრინციპულ შეხვედრაში გამანადგურებელი ანგარიშით გაიმარჯვეს.

დედაქალაქელებს წარმატების მიღწევაში ამერიკელი ლეგიონერები დაეხმარნენ.

ტრეი ტომპსონმა 17 ქულა მოიპოვა. 16 ქულა ენტონი რანდოლფის ანგარიშზეა, ხოლო 15 ქულა ჯეისი კეროლმა დააგროვა.

“რეალს” 12 ქულა კაბო ვერდელელმა კალათბურთელმა ტრეი ვალტერ ტავარესმა შესძინა.

“ბარსელონადან” 10-ქულიან ზღავრს ორმა კალათბურთელმა უწია. სლოვენიელმა კევინ პანგოსმა თავი  11 ქულას მოუყარა.

ფრანგმა ტომას ჰეურტელილმა კი  16 ქულა მიითვალა.

ამ გამარჯვების შემდეგ ევროლიგის სატურნირო ცხრილში “რეალი” 20 ქულით მე-2 ადგილზე იმყოფება. “სამეფო კლუბი” მხოლოდ თურქულ “ფენერბაჰჩეს” ჩამორჩება, რომელსაც 22 ქულა გააჩნია.

კატალონიური “ბარსელონა” 12 ქულით მე-7 პოზიციას იკავებს.

0 კომენტარი
1

მსგავსი პუბლიკაციები

დატოვეთ კომენტარი