მთავარი საქართველოლეგიონერები დავით ზირაქაშვილის “კლერმონმა” საფრანგეთის ტოპ 14-ში ლიდერობა შეინარჩუნა

დავით ზირაქაშვილის “კლერმონმა” საფრანგეთის ტოპ 14-ში ლიდერობა შეინარჩუნა

ავტორი კახა მიხანაშვილი
36 ნახვა

საფრანგეთის სარაგბო ჩემპიონატ ტოპ 14-ში მე-12 ტურის ორ დასკვნით შეხვედრაში მონაწილეობა ქართველებმა მიიღეს.

ლიდერთა ბრძოლაში “კლერმონი” შინ, “ტულუზას” დაულირისპირდა.  შეხვედრა ფრედ 20:20 დასრულდა.

მასპინძელთა სასტარტო შემადგენლობაში ქართველი ბურჯი დავით ზირაქაშვილი იყო. მან მოედანზე 74 წუთი დაჰყო.

“კლერმონი” 43 ქულით  ტოპ 14-ის ერთპიროვნული ლიდერია. ქართველი მორაგბის გუნდი მე-2 ადგილზე მყოფ “ტულუზას” 3 ქულით უსწრებს.

დავით ზირაქაშვილის გუნდი 2018 წლის ბოლო შეხვედრას 30 დეკემბერს, გასვლაზე “პერპინიანთან” ჩაატარებს.

“კასტრისა” და  “ბორდო” ჯახში ჟირონდელებმა  სტუმრად 32:13 გაიმარჯვეს.

ქართველი მორაგბეები ლაშა ლომიძე და ბექა გორგაძე “ბორდოს” მარქაფაში იყვნენ. ისინი თამაშში მე-60 წუთიდან ჩაერთვნენ.

ამ გამარჯვებით ქართველების გუნდმა 34 ქულა დააგროვა და სატურნირო ცხრილში მე-5 პოზიციაზე აღმოჩნდა.

წლის დასკვნითი მატჩის გამართვა ლაშა ლომიძის და ბექა გორგაძის კლუბს 30 დეკემბერს, შინ ვასილ კაკოვინისა და გურამ გოგიჩაშვილის გუნდის პარიზის “რასინგ 92”-თან მოუწევს.

დედაქალაქელები ტოპ 14-ის სატურნირო ცხრილში ამჟამად მე-4 საფეხურზე არიან.

0 კომენტარი
0

მსგავსი პუბლიკაციები

დატოვეთ კომენტარი