მთავარი ჭიდაობათავისუფალი სპორტული წარმატებებით გაბრწყინებული იბერია – ქართველი სპორტსმენების დიდებული 2018 წელი

სპორტული წარმატებებით გაბრწყინებული იბერია – ქართველი სპორტსმენების დიდებული 2018 წელი

ავტორი კახა მიხანაშვილი
205 ნახვა

მიმდინარე  წელი დასასრულს მიახლოვდა.  ცოტაც და 2018 ისტორიის კუთნილება გახდება.

განვილი წელი ქართული სპორტისთვის განსაკუთრებულად წარმატებული აღმოჩნდა.  ჩვენმა სპორტსმენებმა არაერთ დიდ წარმატებას მიაღწიეს და გულშემატივრებსაც არაერთი დაუვიწყარი წუთი გვაჩუქეს.

გავიხსენოთ რამდენიმე მნიშვნელოვანი წარმატება.

საოცრება სახელად ლაშა ტალახაძე 
ოლიმპიურმა ჩემპიონმა ქართველმა ძალოსანმა ლაშა ტალახაძემ წლევანდელი წელიც დაუმარცხებლად განვლო და ყველა ტურნირზე წარმატებას მიაღწია.

ლაშამ ჯერ ევროპის, შემდეგ კი მსოფლიოს ჩემპიონატი მესამედ მოიგო.

რუმინეთის დედაქალაქ ბუქარესტში გამართულ ევროპირველობაზე ტალახაძემ 3 ოქრო მედალი დაისაკუთრა. მან ატაცში 210 კილოგრამი, ხოლო აკვრაში კი 247 კილოგრამი დასძლია.  ორჭიდის ჯამში ლაშას მონაგარი 457 კილოგრამი იყო.

მსოფლიოს ჩემპიონატზე კი, რომელიც თურქმენეთის დედაქალაქ აშხაბადში გაიმართა.  ლაშა ტალახაძემ 3 ოქროს მედალი მოიპოვა და 7 მსოფლიოს რეკორდი დაამყარა.   ყველა დროის ერთ-ერთმა საუკეთესო სპორტსმენმა  ატაცში  217 კილოგრამი შტანგა აიტაცა.   აკვრაში კი არც მეტი არც ნაკლები 257 კილოგრამი დააფიქსირა.  ორჭიდის ჯამში კი ქართველის   შედეგი 474 კგ  გახლდათ.

ტალახაძის მაგალითი ქართველი ძალოსნებისთვის მისაბაძი აღმოჩნდა.  წელს ამ სპორტის სახეობაში 80-მდე მედალი მოვიპოვეთ.

საქართველოს ეროვნულმა ოლიმპიურმა კომიტეტმა  ლაშა ტალახაძე 2018 წლის საუკეთესო სპორტსმენად დაასახელა.

3 ოქროს მედალი და 7 მსოფლიო რეკორდი! – ლაშა ტალახაძემ მსოფლიო მესამედ დაიპყრო

გენიალური გენო!
თავისუფალი სტილით მოჭიდავე გენო პეტრიაშვილმა პლანეტის უძლიერესის ტიტული ზედიზედ მეორედ მოიპოვა.  125 კილოგრამ წონით კატეგორიაში მოასპარეზე  გორელმა ფალავანმა ბუდაპეშტში მსოფლიოს ჩემპიონის წოდება დაიცვა.

24 წლის ქართველმა მეტოქეები ხალიჩაზე ერთმანეთის მიყოლებით გააგორა.  ფინალურ ბრძოლაში კი ჩინელი ჟივეი დენგიც ხახამშრალი დატოვა.

ამ დიდი წარმატების  შემდეგ გენო პეტრიაშვილმა განაცხადა, რომ მან ეს  გამარჯვება შინდისის გმირებს მიუძღვნა.

გენო პეტრიაშვილის მხარდაჭერა ლაშა ტალახაძეს

ოქროს ქართველი
ქართულ ძიუდოს 2018 წელს სკანდალები არ აკლდა. თუმცა იყო დიდი წარმატება და გამარჯვება.

აზერბაიჯანის დედაქალაქ ბაქოში გამართულ მსოფლიოს ჩემპიონატზე მძიმე წონით კატეგორიაში ჩემპიონის ოქროს მედალი  გურამ თუშიშვილმა დაისაკუთრა.

თუშიშვილმა ფინალში გააზერბაიჯანელებული წარმოშობით ქართველი უშანგი კოკაური დაამარცხა.

გურამი ქართული ძიუდოს ისტორიაში მე-6 მსოფლიოს ჩემპიონია.  ბოლოს  პლანეტის პირველობა 2014 წელს   ავთანდილ ჭრიკიშვილს ჰქონდა მოგებული.

გურამ თუშიშვილი მსოფლიოს ჩემპიონია-ის სურათის შედეგი

იაპონიის ქართველი იმპერატორი
ქართველმა სუმოისტმა ლევან გორგაძემ იგივე ტოჩინოშინმა იანვრის სუპერტურნირი ჰაცუ ბაშო მოიგო.   იმპერატორის თასი ქართველმა მესამე მაეგაშირას რანგში დაიმსახურა.

ტოჩინოშინი პირველი ქართველი და მე-3 ევროპელი რიკიში გახდა, ვინც ეს პრესტიჟული ტიტული მოიპოვა.

ქართველს მებრძოლს ნაცუ ბაშოს მოგებამდეც სულ ცოტა დააკლდა.  თუმცა ეს ბაშო მის  ქომაგს არასდროს დაავიწყდება.

ტურნირის მე-12 დღეს  ლევან გორგაძემ დიდი ჩემპიონი იმ დროს 40-გზის იმპერატორი სუმოს ცოცხალი ლეგენდა მონღოლი იოკოძუნა ჰაკუჰო დაამარცხა.

2018 წელს ლევან გორგაძეს სუმოს რანგით მე-2 პრესტიჟული წოდება ოძეკი მიენიჭა.   ამ წელს ტოჩინოშინმა ყველაზე მეტი ბრძოლა მოიგო.

ნიკა “ფანტასტიკ”!
ქართველმა ჩოგბურთელმა ნიკოლოზ ბასილაშვილმა ბრწყინვალე სეზონი ჩაატარა.   მან ორი დიდი ტურნირი მოიგო.

ბასილაშვილმა თავი ჰამბურგისა და პეკინის მასტერზე ისახელა.   ჩინეთში ღია პირველობის ფინალში ნიკოლოზ ბასილაშვილმა იმ დროისთვის მსოფლიოს მე-4 ჩოგანი არგენტინელი ხუან მარტინ დელ პოტრო დაამარცხა.

ამერიკის ღია პირველობაზე კი მსოფლიოს  პირველი ჩოგბურთელის რანგში მოასპარეზე რაფაელ ნადალს ტოლ-სწორად ეპაექრა და შეხვედრა დრამატულ ორთაბრძოლაში დათმო.

ქართველის დიდებული თამაშით გაოგნებულმა ესპანელმა ჩოგბურთელმა ბრძოლის შემდეგ კომენტარის გაკეთებისას სულ ორი სიტყვა წარმოსთქვა ნიკა ფანტასტიკ!.

ნიკოლოზ ბასილაშვილი  ATP-ს რეიტინგში ისტორიულ  21-ე ადგილზე იმყოფება. რაც ქართული ჩოგბურთის ისტორიაში საუკეთესო მაჩვენებელია.

ბასილაშვილი პეკინის მასტერსის გამარჯვებულია-ის სურათის შედეგი

ახალი ტალანტების დაბადება 
2018 წელი გამორჩეული საქართველოსთვის იმითაც იყო, რომ სპორტის გუნდურ სახეობებში ასპარეზზე რამდენიმე უნიჭიერესი ახალგაზრდა ტალანტი გამოჩნდა.

გიორგი ჩაკვეტაძე
ტალანტებზე საუბრისას პირველ რიგში გამოსარჩევი საქართველოს ეროვნული ნაკრების ფეხბურთელი გიორგი ჩაკვეტაძეა.  19 წლის ფეხბურთელი ეროვნული გუნდის ლიდერად იქცა და ერთა ლიგაზე ქართველ გულშემატკივარს თავი ბრწყინვალე თამაშით დაგვამახსოვრა.

ერთი წლის წინ, როცა საქართველოს ფეხბურთელთა ნაკრებმა შესარჩევი მოგების გარეშე დაასრულა ძნელად თუ ვინმე იფიქრებდა, რომ ჩვენი გუნდი ევროპის ჩემპიონატზე გასვლისთვის უახლოეს მომავალში იბრძოლებდა.  თუმცა დღეს, ეს ყველაფერი უკვე რეალობა.  უეფას გადაწყვეტილების გარდა როცა ერთა ლიგაზე ჩვენი დონის გუნდებთან გვათამაშა, ამ წარმატებაში დიდი წვლილი გიორგი ჩაკვეტაძეს მიუძღვის.

თავად განსაჯეთ,  ჩაკვეტაძემ ერთა ლიგის განვლილ 6 შეხვედრაში 4 გოლი გაიტანა და ორი საგოლე გადაცემა გააკეთა.

ჩაკვეტაძის  თამაშის სანახავად ეროვნული ნაკრების მატჩს კატალონიური “ბარსელონას” სკაუტებიც დაეწრნენ.

გოგა ბითაძე
კალათბურთელი გოგა ბითაძე 2018 წელს საქართველოს ეროვნული ნაკრებში დამკვიდრდა.  მან ლიდერების არყოფნაში ტვირთი თავის თავზე აიღო და რამდენიმე გამორჩეული შეხვედრა ჩაატარა.  ბითაძემ 2018 წელს მსოფლიოს ჩემპიონატის შესარჩევ ტურნირში 8 შეხვედრა გამართა და ჯამში 105 ქულა მოიპოვა.

ბითაძე “მეგა ბიმაქსის”  რიგებში  ადრიატიკის ლიგაზეც გამორჩეული იყო.  იგი მატჩი MVP არაერთხელ გახდა. რამდენიმე დღის წინ ქართველმა კალათბურთელმა სერბული კლუბი დატოვა და სეზონის ბოლომდე მონტენეგროს “ბუდუჩნოსტში”  გადავიდა.  აღნიშნული გუნდი ევროლიგაზე გამოდის და ქართველ ცენტრს გამოცდილების მიღების ძალიან კარგი შანსი აქვს.

ამ სეზონის დასრულების შემდეგ კი გოგა ბითაძე  NBA-ს დრაფტზე დადგება.

თედო აბჟანდაძე
ქუთაისის “აიას” მორაგბემ თედო აბჟანდაძემ 2018 წელს  ახალგაზრდულ მსოფლიოს ჩემპიონატზე გაიბრწყინა და სპეციალისტთა ყურადღებაც ამ ტურნირის შემდეგ მიიპყრო.

მისი ეროვნული ნაკრებში ნათლობა 17 ნოემბერს, შედგა.  სამოასთან სადებიუტო მატჩში ქართველმა მგეზავმა 12 ქულა მოიპოვა. თინეიჯერმა მორაგბემ 3 გარდასახვა და 2 ჯარიმა გაიტანა.

ერთი კვირის თავზე კი აბჟანდაძემ ეროვნული ნაკრების კვართი მეორედ მოირგო.  თედომ თავი კარგი თამაშით ამჯერადაც დაგვამახსოვრა და ტონგელების წინააღმდეგ 10 ქულა დააგროვა.  აბჟანდაძემ 2 გარდასახვა და 2 ჯარიმა ზუსტად შეასრულა.

თედოს ტალანტის შემხედვარე დიდი ეჭვი არსებობს, რომ მას სულ მალე რომელიმე ძლიერ ევროპულ კლუბში წაიყვანენ.

გიორგი ჩაკვეტაძე, გოგა ბითაძე, თედო აბჟანდაძე – უნიჭიერესი ახალგაზრდა ქართველი ტალანტები, რომლებმაც მსოფლიო აალაპარაკეს

მსოფლიოს 5-გზის ჩემპიონი
2018 წელს სამბოს მსოფლიოს ჩემპიონატზე ქართველმა მოჭიდავემ ვახტანგ ჩიდრაშვილმა ჩემპიონის ტიტული და ოქროს მედალი მოიპოვა.

57 კილოგრამ წონით კატეგორიაში მოასპარეზე ლეგენდარულმა ქართველმა სამბისტმა ტურნირის გადამწყვეტ ბრძოლაში ბელარუსის წარმომადგენელი ულადისლაუ ბურდსი დაამარცხა.

ვახტანგ ჩიდრაშვილმა მსოფლიოს ჩემპიონის ტიტული კარიერაში მეხუთედ მოიპოვა. 26 წლის ქართველი მოჭიდავე მსოფლიოს პირველობის ფინალში 5-ჯერ გავიდა და ყველა შემთხვევაში გამარჯვება მას დარჩა.

ამავე მსოფლიოს პირველობაზე კარიერაში პირველად მსოფლიოს ჩემპიონის ტიტული ბექა ბერულავამ დაიმსახურა.

სასიხარულო ამბავი ბუქარესტიდან – ვახტანგ ჩიდრაშვილი მსოფლიოს 5-გზის ჩემპიონია

ქართველმა გოგონებმა ისტორია დაწერეს
სამბისტებმა ნინო ოძელაშვილმა და  ელენე ქებაძემ ქართული სპორტის ისტორია დაწერეს.  ქართველებს ჭიდაობა, რომ გენში გვაქვს ეს ამ  გოგონებმა კიდევ ერთხელ დაადასტურეს და  პირველი ქართველი მანდილოსნები გახდნენ, ვინც საქართველოს ჭიდაობების სახეობებში მსოფლიოს ჩემპიონის ტიტული  მოუტანა.

ორივე ქართველმა სამბისტმა საკუთარ წონაში 2018 წელი რეიტინგის პირველ საფეხურზე დაასრულა.

ოძელაშვილი და ქებაძე-ის სურათის შედეგი

ნადირაძემ ევროპის ჩემპიონატზე ოქროს მედალი მოინადირა
ევროპის ჩემპიონატი ნაკოესა და კაიაკში  ქართველი ნიჩბოსანის ზაზა ნადირაძის გამარჯვებით დასრულდა.  ფინალში ნადირაძემ 200 მეტრიანი სპრინტი 39.200 წამში დასძლია. მან უკან რუსი და ბელარუსი სპორტსმენები ჩამოიტოვა.

ზაზა წლევანდელ მსოფლიოს ჩემპიონატზეც შესანიშნავად გამოვიდა.  ქართველმა ნიჩბოსანმა  ტურნირზე მე-4 ადგილი დაიკავა.

ზაზა ნადირაძე ევროპის ჩემპიონია! | ქართველი ნიჩბოსნის წარმატება ბელგრადში

NBA-ს ორგზის ჩემპიონი
ქართველი კალათბურთელი ზაზა ფაჩულია 2018 წელს “გოლდენ სტეიტთან” ერთად NBA-ს ჩემპიონი ზედიზედ მეორედ გახდა.  რის შემდეგაც კარიერის  “დეტროიტ პისტონში” გაგრძელების გადაწყვეტილება მიიღო.

დაკავშირებული სურათი

ახალგაზრდა მორაგბეების ტრიუმფი
საქართველოს რაგბის 18-წლამდელთა ნაკრებმა 2018 წელს შესანიშნავ შედეგს მიაღწია.  პატარა “ბორჯღალოსნებმა” ევროპის ჩემპიონის ტიტული მოიპოვეს.

პოლონეთში გამართულ კონტინენტის პირველობაზე ქართველებმა ტრადიციული მეტოქე საფრანგეთის ნაკრები 8-3 დაამარცხეს.

rugby georgia U18 europe champions-ის სურათის შედეგი

ბათუმის ოლიმპიადა
წელს აჭარაში შემოდგომაზე ჭადრაკში ოლიმპიადა ჩატარდა.

ბათუმში გამართულ საჭადრაკო ოლიმპიადაზე 185 ქვეყნიდან 4 000-მდე სტუმარი ჩამოვიდა.  საქართველოს ზღვისპირა ქალაქში ფიდესა და ევროპის საჭადრაკო კავშირის არჩევნებიც გაიმართა.

ევროპის ჭადრაკის მმართველის პოსტი ქართველმა ზურაბ აზმაიფარაშვილმა შეინარჩუნა.   ოლიმპიადაზე  საქართველოს ქალთა პირველ ნაკრებმა მე-3 ადგილი მოიპოვა და ბრინჯაოს მედალი დაიმსახურა.

საქართველოში ჩატარებულ საჭადრაკო ოლიმპიადას სპეციალისტება მაღალი შეფასება მისცეს.

ბათუმის საჭადრაკო ოლიმპიადა-ის სურათის შედეგი

ეს არის არასრული ჩამონათვალი ქართველი სპორტსმენების წლევანდელი წარმატებისა.  2018 წელი ქართვული სპორტისთვის ცალსახად, დადებითად უნდა შეფასდეს.

0 კომენტარი
0

მსგავსი პუბლიკაციები

დატოვეთ კომენტარი