მთავარი მსოფლიოNBA ლებრონიდან ზაზამდე… 2003 წლის დრაფტიდან “გადარჩენილები”

ლებრონიდან ზაზამდე… 2003 წლის დრაფტიდან “გადარჩენილები”

63 ნახვა

დღევანდელი “ნიუ-იორკ თაიმსის” გამოცემას სკოტ კაჩოლას საინტერესო წერილი სათაურით – ლებრონიდან ზაზამდე, 2003 წლის დრაფტიდან “გადარჩენილები” და ემ ბრაიან ბოუენსის ნახატი – ზაზა ფაჩულიას, ლებრონ ჯეიმსის, დუეინ უეიდის, კარმელო ენტონისა და კაილ კორვერის გამოსახულებით ამშვენებდა.

ნაშრომში საუბარია 2003 წლის NBA-ს დრაფტის მოთამაშეებზე… “ახალწვეულთა დაწინაურების” პროგრამის გამორჩეულ ხუთეულზე, რომელთაც ალბათ წარმოდგენაც არც ქონდათ თუ რამდენად წარმატებული იქნებოდა მათი კარიერა და რამდენად ხანგრძლივად იდგებოდნენ პარკეტზე.

ზაზა ფაჩულია, ქართველი ცენტრი, რომელიც “ორლანდომ” აირჩია დანარჩენებს – ლებრონ ჯეიმსს, დუეინ უეიდს, კაილ კორვერს და კარმელო ენტონის ეცნობოდა.  მათი პირველი შეხვედრა NBA-ს შესავალი პროგრამის ფარგლებში შედგა, სადაც დანარჩენ 40 ახალგაზრდასთან ერთად აუცილებელ ცხოვრებისეულ უნარ-ჩვევებს სწავლობდნენ.

“შოკისმომგვრელი ვიყავი ყველა იმ სიახლით, რაც იქ ვისწავლე” – ამბობდა ფაჩულია ერთ-ერთ ინტერვიუში.

ეს ხუთი მოთამაშე NBA-ის ისტორიაში ერთ-ერთი ყველაზე გამორჩეული დრაფტის სახე გახდა. დრაფტისა, რომელმაც ლიგას ცხრა All-Star მოთამაშე აჩუქა.

“ძალიან ამაყი ვარ. განსაკუთრებით ახლა, ამდენი წლის შემდეგ… ჩვენ ისევ ჩვენს საქმეს ვაკეთებთ” – კაილ კორვერი, “იუტა ჯაზის” 37 წლის ფორვარდი.

როდესაც უეიდმა დაანონსა ნაციონალურ საკალათბურთო ასოციაციაში მისი უკანასკნელი სეზონის შესახებ, მთელი ყურადღება მასზე და ლებრონზე გადავიდა.  უეიდის “მაიამი” ლებრონის “ლეიკერსს” სტეიპლს ცენტრში დაუპირისპირდა და დიდი ხნის მეგობრებიც უკანასკნელად წარსდგნენ ერთმანეთის პირისპირ. ჯეიმსმა, ლიგის 4-გზის ყველაზე ყველაზე ძვირადღირებულმა მოთამაშემ, უეიდი, ლიგის 12-გზის “ოლ-სტარი” დაამარცხა.

მათი მემკვიდრეობა გადაჯაჭვულია: “მაიამიში” როგოროც თანაგუნდელებმა მესამე ვარსკვლავთან კრის ბოშთან ერთად ორჯერ მოიგეს ტიტული.

“NBA ჩვენს მოსვლამდე კარგი იყო იყო, მაგრამ არა საუკეთესო” – ამბობს უეიდი. “ვფიქრობ ჩვენ მას ბევრი რამ შევმატეთ”

2003 წლის დრაფტი, რომელიც მაიკლ ჯორდანის უკანასკნელი თამაშიდან რამდენიმე თვეში გაიმართა, გასაოცარი გამოდგა. პირველი იყო ჯეიმსი და ის “კლივლენდმა” წაიყვანა. შემდეგი იყო დარკო მილიჩიჩი (“დეტროიტი”). კარმელო ენტონი “დენვერმა” აიყვანა მესამე ნომრად. უეიდი მეხუთე იყო და “მაიამიში” ჩაირიცხა. ფაჩულია და კორვერი მეორე წრეში შეარჩიეს, მიუხედვად ამისა მათ გამორჩეულად წარმატებული კარიერა ხვდათ წილად.

“ამ ბიჭებს უდიდეს პატივს ვცემ. მართალია მათთან ახლოსაც არ ვარ შედეგებითა და სტატისტიკით, მაგრამ კალათბურთის სიყვარულით ნებისმიერს გავეჯიბრები. ეს არის უმთავრესი მიზეზი, რომ მე ჯერაც აქ ვარ” – ამბობს ფაჩულია.

დავუბრუდეთ საწყის წერტილს. უეიდს ბევრი რამ სმენოდა ჯერაც უნახავ ჯეიმსზე. პირველად ისინი ერთმანეთს ჩიკაგოში, 2003 წელს, ერთ-ერთი წინასადრაფტო კემპის დროს შეხვდნენ. დუეინი სამედიცინო შემოწმებას გადიოდა. ყველა ლებრონზე საუბრობდა, როგორც კოლეჯების ლიგის ფენომენზე, განსხვავეით მისგან.

“ოთახში ვიჯექი, როდესაც იქ ეს ხმაურიანი ბიჭი შემოვიდა. თან უამრავი ხალხი ახლდა. როდესაც მარტონი დავრჩით ერთმანეთს გავესაუბრეთ. იმ დღიდან დაიწყო ჩემი და ლებრონის მეგობრობა”- იხსენებს უეიდი.

ფაჩულია, რომელიც იმ ხანად თურქეთში თამაშობდა, დრაფტზე “მედისონ სკვერ გარდენში” ახალი კოსტიუმით მივიდა. მას “მწვანე ოთახის” მიწვევა, სადაც სავარაუდო პირველ ნომრებს ათავსებენ ხოლმე, არ მიუღია. მიუხედავად ამისა იმედი მაინც ჰქონდა, რომ პირველ ნომრად აირჩევდნენ. თანაც აგენტს ერჩია 2002 წლის დრაფტი გამოტოვე და 2003-ში პირველ წრეში აგირჩევენო.

“უბრალოდ მოიცადე კიდევ ერთი წელი.  2003-ში უფრო მარტივი იქნება ლიგაში მოხვედრა” – იხსენებს ფაჩულია აგენტის სიტყვებს.

საღამო, რომელმაც ფაჩულიას ცხოვრება შეცვალა, არც ისე კარგად დაიწყო. მისი გვარი პირველ წრეში არ გამოუცხადებიათ. დაიწყეს კრის კამანით, კირკ ჰაინრიხით, ნიკ კოლისონით, დევიდ უესტით. გააგრძელეს ბორის დიაოთი, კენდრიკ პერკინსით, ლეანდრო ბარბოსათი და ჯუვან ჰოვარდით. დაიწყო მეორე რაუნდი და გუნდებმა აირჩიეს ლუკ ვოლტონი, სტივ ბლეიქი, ვილი გრინი.

ფაჩულია ხვდებოდა, რომ ეს არ იყო იოლი დრაფტი.

როგორც იქნა ისიც აირჩიეს, 42-ე ნომრად “ორლანდომ” აიყვანა. მას პირველად ადამ სილვერი მიესალმა, რომელიც იმ დროს ლიგის აღმასრულებელი კომისარი იყო. სილვერი ეკითხება ფაჩულიას არის თუ არა ბედნიერი დისნეის სამყაროში სტუმრობით. ზაზამ ძალით გაიღიმა.

“ვფიქრობდი, რახან პირველ წრეში არ ამირჩიეს, ეს სამყაროს დასასრული იყო” – იხსენებს ზაზა.

ბევრმა წელმა განვლო. 34 წლის ფაჩულია ახლა “დეტროტშია” და ლიგაში მე-16 სეზონს ატარებს. მან უშიშარი მეომრის იმიჯი შეიქმნა. როგორც უეიდი ამბობს ფაჩულია მიზნის მისაღწევად არ დაგინდობს, ის უბრალოდ გაგანადგურებს. და მან მიზანსაც მიაღწია – “გოლდენ სტეიტთან” ერთად ზაზამ ორჯერ მოიგო ტიტული.

“არ არსებობს უკეთესი გუნდელი, ვიდრე ზაზა” – ამბობს კორვერი, რომელმაც ზაზასთან ერთად “ატლანტაში” თამაშობდა.

არც კორვერისთვის იყო დრაფტისწინა ღამე იოლი.

კორვერი დრაფტს მეგობრებთან ერთად ტელევიზორში უყურებდა. “ბულზმა” 45-ე ნომრად მეტ ბონერი აირჩია, მო უილიამსი 47-ედ “იუტამ”. კაილი 51-ე ნომრად “ნიუ ჯერსიმ” აიყვანა, მაგრამ ეს ტელევიზორში არ უჩვენებიათ, რადგან სწორედ ამ დროს სარეკლამო ჭრა გავიდა ეთერში. მან ამის შესახებ მხოლოდღა მორბენალი სტრიქონით შეიტყო. ის მალევე გაცვალეს “ფილადელფიაში” სადაც ალენ აივერსონი ბრწყინავდა.

“ჩემთვის ყველაფერი კარგად დასრულდა” – იხსენებს კორვერი.

აივერსონის უნარი ჩამოეშორებინა რამდენიმე მეტოქე კაილს სივრცეებს უთავისუფლებდა. და ის თავისი თაობის ერთ-ერთ საუკეთესო შორი დისტანციიდან მსროლელად ჩამოყალიბდა.

“რაც უფრო დიდი ხანი გადის ჩემი ლიგაში მოსვლიდან, უფრო მეტად ვაცნობიერებ, რომ მთავარი ის კი არ არის დრაფტზე რომელ ნომრად აგირჩევენ, არამედ ის თუ რომელ გაჩერებაზე მოხვდები” – ამბობს კაილი. “კარგ ფორმაში ხარ? გეძლევა შანსი? ხოდა ის უნდა გამოიყენო. ყოველთვის ვეუბნები დამწყებებს, რომ ბევრი იშრომონ, იყვნენ კარგი პიროვნებები და არ მიეძალნონ ნარკოტიკებს. ეს იქნება საწინდარი, რომ ლიგაში დიდიხანს დარჩნენ”

მოთამაშეთა უმრავლესობის უნარებს 16 სეზონის შემდეგ “სიბერე” ეპარება. აგერ უეიდი კარიერას ასრულებს, ენტონი “ჰიუსტონის” შემადგენლობაში ვეღარ ხვდება. გამონაკლისი მხოლოდ ჯეიმსია. ის ნამდვილი საკალათბურთო კიბორგია.

“დისციპლინასთან მიმართებაში ლებრონის დამოკიდებულება განსაცვიფრებელია. ყოველდღიური ვარჯიში, სწორი კვება… ის ამას წლების განმავლობაში ყოველდღიურად, დაუღალავად აკეთებს” – ამბობს კორვერი.

თუმცა ჯეიმსი ყოველთვის ასეთი დისციპლინირებული როდი იყო. ის იხსენებს, როგორ ეზარებოდა ლოგინიდან ადგომა და როგორ გადიოდა სათამაშოთ გაუხურებელი. ჯეიმსს ასეთი დროც ედგა, ოღონდ ძალიან ახალგაზრდობაში.

“ჯეიმსი საკუთარ ფიზმომზადებაზე ყოველწლიურად მილიონ დოლარზე მეტს ხარჯავს? გულწრფელი ვიქნები, მე ამდენს არ ვხარჯავ” – ამბობს ფაჩულია.

მიუხედავად ამისა ქართველი ამერიკელ კოლეგაზე არანაკლებ მოტივირებულია და დღემდე აქვს უდიდესი ლტოლვა საკუთარი საქმის მიმართ.

“მარტივად გეტყვით, თუ რაღაც არ გიყვარს, შეუძლებელია ის დიდი ხნის განმავლობაში აკეთო” – ამბობს ფაჩულია.

თამაშისწინა რიტუალები ფაჩულიასაც აქვს და ის ყოველი თამაშის წინ ორმაგ ესპრესოს შეექცევა ხოლმე. ლიგაში მის მე-1000 მატჩამდე მან საქმეში მათემატიკა ჩართო.

“გასაოცარია, 1100-ზე მეტი თამაში პლეიოფების ჩათვლით. ძალიან, ძალიან ბევრი ყავა გამოდის, მაგრამ ყოველი მორიგი თამაშის დაწყევამდე მოუთმენლად ველოდები მომენტს, როცა აპარატთან მივალ, ღილაკს თითს დავაჭერ და კიდევ ერთ ჭიქა ესპრესოს ჩამოვისხავ”- ამბობს ფაჩულია.

2003 წლის დრაფტიდან “გადარჩენილები” დღესაც პარკეტზე დგანან…

0 კომენტარი
0

მსგავსი პუბლიკაციები

დატოვეთ კომენტარი