მთავარი კალათბურთი გოგა ბითაძის 12-ქულიანი დებიუტი

გოგა ბითაძის 12-ქულიანი დებიუტი

ავტორი კახა მიხანაშვილი
40 ნახვა

მონტენეგროს საკალათბურთო კლუბ “ბუდუჩნოსტში” საქართველოს ეროვნული ნაკრების ცენტრის გოგა ბითაძის დებიუტი შედგა.

ადრიატიკის ლიგის მე-12 ტურის შეხვედრაში “ბუდუჩნოსტი”  მოულოდნელად აუტსაიდერ  “კრკასთან”  დაძაბულ ბრძოლაში  64:69 დამარცხდა.

მატჩი სლოვენიის ქალაქ ნოვო მესტოში ჩატარდა.

გოგა ბითაძემ თამაში სასტარტო ხუთეულში დაიწყო და მოედანზე 25:46 წუთი დაჰყო.  ამ დროში ქართველმა 12 ქულა, 4 მოხსნა, 1 პასი, 2 ჩაჭრა და 2 დაფარება მოიპოვა.

ბუთაძის სარგებლანობის კოეფიციენტი 15 იყო, რაც საკუთარი გუნდიდან მე-4 მაჩვენებელი გახლდაღთ.

მონმტენეგროს კლუბიდან  16 ქულით პეტარ პოპოვიჩი გამოირჩა.  12-12 ქულა ამერიკელმა კალათბურთელებმა კოტი კლარკმა და ფრანგმა ედვინ ჯეკსონმა დააგროვეს.

გამარჯვებული გუნდიდან საუკეთესო 12 ქულით ლუკა ლაპორნიკი იყო.  11 ქულა გუნდს სერბმა დაპა დალიბორმა შესძინა. 10-10 ქულას თავი  ტიმ ოსოლნიკმა და იურე ბალაჟიჩმა მოუყარეს.

ეს მარცხი  “ბუდუჩნოსტისთვის”  რიგით მე-4 აღმოჩნდა.  მონტენეგროულ კლუბს 8 მოგება გააჩნია და ადრიატიკის ლიგის სატურნირო ცხრილში ამჟამად II-IV ადგილებს ბითაძის ყოფილ გუნდ “მეგა ბიმაქსთან” და ზაგრების “ცედევიტასთან”ინაწილებს.

გოგა ბითაძე 2018 წლის ბოლო შეხვედრას 30 დეკემბერს,  ტურნირის მთავარ ფავორიტთან და ლიგის ლიდერ სერბულ “ცრვენა ზვეზდასთან” ჩაატარებს.  მატჩი ბელგრადში შედგება.

მანამდე კი ქართველო კალათბურთელის დებიუტი ევროლიგაში შედგება.  28 დეკემბერს, ევროპის ყველაზე პრესტიჟულ საკალათბურთო ტურნირზე  “ბუდუჩნოსტის” მოწინააღმდეგე მიუნხენის “ბაიერნი” იქნება.  შეხვედრა გერმანიაში ჩატარდება.

 

0 კომენტარი
0

მსგავსი პუბლიკაციები

დატოვეთ კომენტარი