მთავარი ჭიდაობაბერძნულ-რომაული 2018 წლის საუკეთესო სპორტსმენები ლაშა ტალახაძე და ნინო ოძელაშვილი გახდნენ – წლის საუკეთესო გუნდის პრიზი ფეხბურთის ეროვნულმა ნაკრებმა მოიპოვა

2018 წლის საუკეთესო სპორტსმენები ლაშა ტალახაძე და ნინო ოძელაშვილი გახდნენ – წლის საუკეთესო გუნდის პრიზი ფეხბურთის ეროვნულმა ნაკრებმა მოიპოვა

ავტორი კახა მიხანაშვილი
115 ნახვა

შოთა რუსთაველის აკადემიურ თეატრში განათლების, მეცნიერების, სპორტის, კულტურისა და ძეგლთა დაცვის სამინისტრომ 2018 წლის საუკეთესო სპორტსმენები დააჯილდოვა.

საუკეთესო სპორტსმენი მამაკაცის პრიზი ოლიმპიურმა, მსოფლიოსა და ევროპის 3-გზის ჩემპიონმა ლაშა ტალახაძემ მიიღო.

ტალახაძემ 2018 წელს ევროპისა და მსოფლიოს ჩემპიონის ტიტული მოიპოვა და არაერთი მსოფლიოს რეკორდი დაამყარა.

წლის საუკეთესო სპორტსმენის ნომინაციაზე ასევე წარდგენილნი იყვნენ: გენო პეტრიაშვილი (თავისუფალი ჭიდაობა), გურამ თუშიშვილი (ძიუდო) და ნიკოლოზ ბასილაშვილი (ჩოგბურთი)

წლის საუკეთესო სპორტსმენს ჯილდო საქართველოს პრემიერმინისტრმა მამუკა ბახტაძემ გადასცა.

აღსანიშნავია, რომ წელს 2017 წლის საუკეთესო სპორტსმენიც დააჯილდოვეს. ჯილდო გენო პეტრიაშვილმა მიიღო.

საუკეთესო ქალი სპორტსმენის პრიზი სამბოში მსოფლიოს ჩემპიონატის ტრიუმფატორს ნინო ოძელაშვილს გადაეცა.  ოძელაშვილი პირველი ქართველი გოგონაა, რომელმაც ჭიდაობის სახეობებში მსოფლიოს ჩემპიონობა მოიპოვა.

ამ ნომინაციაში საუკეთესოს წოდებისთვის ელენა ქებაძე (სამბო),  ნანა ძაგნიძე (ჭადრაკი),  ანასტასია გოტფრიდი (ძალოსნობა) და ლიზი კილაძე იბრძოდნენ.

2018 წლის საუკეთესო გუნდის სტატუსის მოსაპოვებლად საქართველოს ფეხბურთის ეროვნული ნაკრები, საქართველოს ქალ მოჭადრაკეთა ნაკრები, რაგბის ეროვნული და 18-წლამდელთა ნაკრები იბრძოდნენ.

სამინისტროს გადაწყვეტილებით ერთა ლიგაზე ნაჩვენები საუკეთესო თამაში გამო წლის გუნდი საქართველოს ფეხბურთელთა ნაკრები გახდა.

არაოლიმპიურ სახეობებში 2018 წლის საუკეთესო სპორტსმენის წოდება მკლავჭიდელმა ლევან საღინაშვილმა მიიღო.  მან წელს მსიფლიოსა და ევროპის ჩემპიონის ოქროს მედლები დაისაკუთრა.

პრიზი ნომინაციაში 2018 წლის აღმოჩენა ფეხბურთელმა გიორგი ჩაკვეტაძემ აიღო.

წლის საუკეთესო ახალგაზრდა სპორტსმენის  პრიზი ძალოსან რეზი დავითაძეს გადასცეს.

საქართველოს საუკეთესო ლეგიონერად “ბასკონიასა” და საქართველოს ნაკრების კალათბურთელი თორნიკე შენგელია დაასახელეს.

ქართული სპორტის საერთაშორისო ასპარეზზე გატანისა და განსაკუთრებული წარმატების მიღწევისათვის სპეციალური პრიზებით ლევან გორგაძე იგივე ტოჩინოშინი (სუმო), ზაზა ფაჩულია (კალათბურთი) და ნიკოლოზ ბასილაშვილი (ჩოგბურთი) დაჯილდოვდნენ.

ნომინაციაში წლის საერთაშორისო აღიარება პრიზი ბერძნულ-რომაული სტილით მოჭიდავეს ზვიად პატარიძეს გადაეცა.

წლის საუკეთესო ფედერაცია საქართველოს ძალოსანთა ფედერაცია გახდა.

2018 წლის საუკეთესო მწვრთნელის ნომინაციაში წარდგენილები იყვნენ: გიორგი იანტბელიძე (თავისუფალი ჭიდაობა), გიორგი ასანიძე (ძალოსნობა) და ვლადიმირ ვაისი (ფეხბურთი)

აქ გამარჯვება გიორგი ასანიძემ მოიპოვა.

საუკეთესო მენეჯერის პრიზი ფეხბურთის ფედერაციის პრეზიდენტმა ლევან კობიაშვილმა აიღო.

საუკეთესო პარაოლიმპიელ სპორტსმენებს პრიზი საქართველოს პრეზიდენტმა სალომე ზურაბიშვილმა გადასცა.

გოგონათა შორის წლის საუკეთესო სპორტსმენი ეტლით მოფარიკავე ირმა ხეცურიანი გახდა.  მამაკაცებში საუკეთესო პარასპორტსმენად ძიუდოისტი ზვიად გოგოჭური დაასახელეს.

საჭადრაკო ოლიმპიადის ღირსეულად მასპინძლობისთვის სპეციალური პრიზი ჭადრაკის ფედერაციის პრეზიდენტმა გია გიორგაძემ მიიღო.

2018 წლის აღიარება კი ქართული ჭიდაობა გახდა. წელს იუნესკომ ეს სპორტი არამატერიალურ კულტურულ ძეგლთა სიაში შეიყვანა.

2018 წლის დაჯილდოვების  ცერემონიალზე სპეციალური პრიზებით კიდევ რამდენიმე სპორტსმენი დააჯილდოვეს.

წლის დაჯილდოვების საღამოზე ქართული სიმღერები  და ცეკვები იყო წარმოდგენილი.

 

0 კომენტარი
0

მსგავსი პუბლიკაციები

დატოვეთ კომენტარი