მთავარი მსოფლიოევროლიგა VIDEO: “ბასკონიამ” რუსეთში გაიმარჯვა – თორნიკე შენგელიამ ფარი ჩაამსხვრია

VIDEO: “ბასკონიამ” რუსეთში გაიმარჯვა – თორნიკე შენგელიამ ფარი ჩაამსხვრია

ავტორი კახა მიხანაშვილი
325 ნახვა

საკალათბურთო ევროლიგის მე-15 ტურის შეხვედრაში საქართველოს ეროვნული ნაკრების კალათბურთელების  თორნიკე შენგელიასა და მეტ ჯენინგის გუნდმა “ბასკონიამ” რუსეთში “ხიმკი” დამაჯერებლად  85:77 დაამარცხდა.

შენგელია შეხვედრაში  სათადარიგოთა სკამიდან ჩაერთო. მას სახის სპეციალური დამცავი ნიღაბი ეკეთა.  ქართველმა პარკეტზე 21:35 წუთი გაატარა. თორნიკემ  8 ქულა და 4 მოხსნა მიითვალა.

ერთ-ერთ ეპიზოდში თორნიკე შენგელიამ ეფექტური გდება სცადა.  თუმცა რკალმა ბურთი აისხლიტა. ქართველი ფორვარდის ზემოქმედებას ვერ გაუძლო და დაიმსხვრა.  ფარის წესრიგში მოყვანას დაახლოვებით 20 წუთი დასჭირდა. იხილეთ ამ მომენტის ამსახველი ვიდეო:   https://youtu.be/g2pqWL1tcJQ

მეტ ჯენინგმა ვიტორიული კლუბის გამარჯვებაში დიდი წვლილი შეიტანა.  საქართველოს ნაკრების კალათბურთელმა 31:39 წუთში 12 ქულა, 1 მოხსნა, 1 ჩაჭრა, 2 პასი და 1 დაფარება მოაგროვა.

შენგელიას სარგებლიანობის კოეფიციენტმა 5, ხოლო ჯენინგისამ კი 10 შეადგინა.

“ბასკონიადან” ყველაზე მეტი 15 ქულა დანიელმა შევონ შილდსმა მოიპოვა.  14-14 ქულით გერმანელი იოჰანეს ვოიგტმანი და ამერიკელი დარუნ ჰილარდი გამოირჩნენ.  10 ქულა გუნდს იტალიელმა ლუკა ვილდოზამ შესძინა.

მასპინძელთა რიგებში საუკეთესო ამერიკელი მიკი ჯორდანი იყო. მან 19 ქულა მიითვალა.

14 ქულა სერბი შტეფან მარკოვიჩის ანგარიშზეა, ხოლო 13 ქულას თავი ამერიკელმა ჩარლეს ჯენკინსმა მოუყარა.

“ბასკონიამ” მიმდინარე  სეზონის პირველი წრე, 7 მოგებით და 8 მარცხით დაასრულა.  თორნიკე შენგელიას და მეტ ჯენინგის გუნდი ევროლიგის  სატურნირო ცხრილში მე-10 ადგილზე იმყოფება.

ესპანური გუნდი მორიგ მატჩს ნაახალწლევს 4 იანვარს,  ჩაატარებს.  მათი მოწინააღნდეგე სტამბულის “ფენერბაჰჩე” იქნება.

აღნიშნული შეხვედრა თურქეთში შედგება.

0 კომენტარი
1

მსგავსი პუბლიკაციები

დატოვეთ კომენტარი