მთავარი მსოფლიოევროლიგა გოგა ბითაძის შესანიშნავი დებიუტი ევროლიგაზე

გოგა ბითაძის შესანიშნავი დებიუტი ევროლიგაზე

ავტორი კახა მიხანაშვილი
65 ნახვა

ევროლიგაზე საქართველოს ეროვნული ნაკრების კალათბურთელის გოგა ბითაძის დებიუტი შედგა.

მიუნხენში “ბაიერნმა” მონტენეგრულ კლუბ “ბუდუჩნოსტს” უმასპინძლა და  93:88 მოუგო.

მონტენეგრულ გუნდის შემადგენლობაში გოგა ბითაძე სათადარიგო სკამიდან ჩაერთო და პარკეტზე 23:14 გაატარა. ამ დროის განმავლობაში ქართველმა ცენტრმა ბრწყინვალე შედეგი აჩვენა.  ჩვენებურმა 17 ქულა, 7 მოხსნა, 4 დაფარება და 1 ჩაჭრა მიითვალა.

ბითაძის სარგებლანობის კოეფიციენტმა 22 შეადგინა. იგი ამ მაჩვენებლით ორივე გუნდიდან მეორე იყო.

ბითაძეზე უკეთესი შედეგი მხოლოდ მისმა თანაგუნდელმა ნორის კოულსმა დააფიქსირა.  ამერიკელმა 27 ქულა და 6 პასი დააგროვა.

“ბაიერნიდან” ყველაზე მეტი 20 ქულა ამერიკელმა დერიკ უილიამსმა მოიპოვა.

“ბუდუჩნოსტი” 3 მოგებით და 12 მარცხით 16-გუნდიან ტურნირში მე-15 ადგილზე იმყოფება.  გოგო ბითაძის გუნდი ევროლიგაზე მორიგ მატჩს ნაახალწლევს 3 იანვარს, მილანში “არმანისთან” გამართავს.

0 კომენტარი
0

მსგავსი პუბლიკაციები

დატოვეთ კომენტარი